Vuorkágovva. Govven: Carl-Gøran Larsson

Riddu Riđđu rihkui alkoholalága

Riddu Riđđu Festivála AS lea ožžon vihtta čuoggá go leat rihkkon alkoholaláhkaásahusa dán jagáš festiválas.

15:23 Čakčamánu 21. beaivi 2017
Ođastuvvon: 22.09.2017 - 09:18

Lea Framtid i Nord mii čállá ahte Nordfjelske kontroll AS raporttas boahtá ovdan ahte Riddu-festivála oaččui čuoggáid go leat rihkkon alkoholaláhkaásahusa.

Riddu Riđđu oaččui ovtta čuoggá go muhtun nissonolmmoš guđii festiválabáikki ja lei alkohola mielde, ja njeallje čuoggá go okta badjelmeare gárihuvvan dievdu beasai oastit eambbo alkohola.

Ovddasvástideaddji lei ovttaoaivilis dárkkisteddjiin, čállá Framtid i Nord.

 

Alkoholaláhka

Jus ii čuovo alkoholalága, ja rihkku lága, de sáhttá dat gii vuovdá oažžut čuoggáid. Lea suohkan mii mearrida lea go vuođđu váldit alkoholavuovdinlobi eret sus gii lea rihkkon alkoholalága.

Fáddásánit
Ođđasat

På forsiden nå