Nuorra jienasteaddji Kine Iversen muitala son áigu jienastit stuorradiggeválggaide ja son muitala lea geavahan áiggi válljet makkár bellodaga son áigu jienastit. Govven: Silje Malene Varsi

Deatnu­laččat leat jiena­steamen

Deanus leat deatnolaččat jienasteamen ja jienasteaddjit muitalit ahte ii leat leamaš álki mearridit geaid galget jienastit.

19:42 Čakčamánu 11. beaivi 2017

Nuorra jienasteaddji Kine Iversen muitala son áigu jienastit stuorradiggeválggaide ja son muitala lea geavahan áiggi válljet makkár bellodaga son áigu jienastit.

– Mun lean geahčadan neahtas makkár politihkka iešguđetge bellodagain lea,  ja mun lean dál gávnnahan makkár bellodaga politihkka heive buoremusat munnje. Mun lean leamaš veaháš eahpesihkar gaskal guovtti bellodaga, muhto dál jáhkan mun lean mearridan, dajai Kine Iversen ovdal go son manai sisa jienastit.

 

Addán ovdal bellodahkii jiena


Hugo Erlandsen vuolgán jienastit.  Silje Malene Varsi govven.

Hugo Erlandsen lohká leat mearridan maid son áigu jienastit, muhto dan gal ii áiggo muitalit.

– Lean válljen dan bellodaga mii heive munnje buot buoremusat ja dat bellodat lea mus ožžon mu jiena eará válggain maiddái, lohká Hugo.

 

Dál lea mearridan

Vendela Nilsen lohká son dál lea viimmat mearridan  áigu jienastit ja son lohká leat váttis mearridit, go sus leat leamaš olu jurdagat makkár bellodaga son galgá jienastit.

– Mus leat leamaš golbma bellodaga man gaskka mun lea dahkan mearrádusa, lea Olgeš, Ovddádusbellodat ja Bargiid bellodat, dadjá Vendela.

 


Tamara Olsen ja Vendela Nilsen leaba viimmat nágudan mearridit makkár bellodaga áiguba jeanastit. Silje Malene Varsi govven.

Veardidan
Tamara Olsen lohká leat gaskal Olgeš ja Ovddádusbellodaga, ja son ii leat veardidan Bargiidbellodaga ge.

– Bargiidbellodat lea biliidan Norgga ja daidda guhkiin eret áiggun addit mu jiena. Mun lean jurddašan olu dán birra ja mus lea alla politihkalašoahppu Ruoššas, mun lean dáppe dál orrun 10 jagi ja lean geahččan mii dáppe geavvá. Olu politihkkárat jurddašit dušše iežaset persovnnalaš beroštumiid birra, eaige sámiid, norgalaččaid ja olgoriikalaččaid beroštumiid birra, muhto mun liikun Ernai, dadjá Tamara.

På forsiden nå