Čájáhusgovva. NTB scanpix

Bártidit gáranasruittuiguin Romssa girdišiljus

Juohke beaivvi šaddet cirgguhit čázi vai gáranasruittut eai leat dievva Langnes girdišilju Romssas. Dat sáhttet šaddat girdimutuvrraide go girdit galget loktanit.

14:43 Čakčamánu 25. beaivi 2017

– Lea sáhka čuohtenáre gáranasruittu birra, juohke beaivvi. Davágeahčen girdišilju lea jeaggebáiki, ja doppe leat olu lottit. Ihkku vižžet lottit gáranasruittuid ja luitet daid girdišilljui. Ja dat eai láve gal čorget iežaset maŋis, muitala Romssa girdišilju doaibmahoavda Svein-Idar Henriksen Nordlys avisii.

 

Beaivválaš ášši

Henriksen muitala ahte sii eai leat vásihan ahte gáranasruittut leat šaddan mutuvrii go girdi loktana, ja sii eai dieđe livčče go dat billistan mutuvrraid.

Eai leat dušše gáranasruittut maid šaddet bassat eret šiljus. Skálžžut leat maid gártan girdišilljui ija mielde, čállá aviisa.

– Dát lea áibbas dábálaš. Juohke áidna iđida ovdal go girdit loktanit, de fertet mii bassat seaivunšilju mii lea davágeahčen. Midjiide lea dát nu dábálaš ahte eat jurddaš ge dan birra, lohká Henriksen.

(©NTB)

Fáddásánit
Ođđasat

På forsiden nå