Ruovdemáđii Davvi-Norgii lea áigumuš politihkkáriiguin dál. Govva lea govvejuvvon eará báikkis Norggas. Govven: Sara Johannessen / SCANPIX

Háliidit hukset ruovdemáđii davásguvlui Norggas

Logi iešguđet bellodaga leat ovttaoaivilis huksegoahtit ruovdemáđii viidáset Davvi-Norgii. Dálá ruovdemáđii bisána Fuoskkus, Nordlánddas.

11:18 Borgemánu 12. beaivi 2017

– Davvi-Norgga ruovdemáđii lea stuora riikkanannen prošeakta mii ii goassege gárvvistuvvon. Našuvdna huksii luottaid, hápmaniid, fanasruvttuid, el-fápmolinjjáid, telelinjjáid, girdišiljuid, skuvllaid ja buot eará maid olbmot dárbbašedje, muhto ii fal ruovdemáđii, vaikko stuoradiggi lei mearrádusa dahkan čađahit dan, muitalii Rødt bellodaga láhttu Jens Ingvald Olsen álbmotčoahkkimis Romssas gosa logi iešguđet bellodaga ledje čoagganan mannan duorastaga.

 

Ledje 17 bellodaga bovdejuvvon álbmotčoahkkimii, ja logi bellodaga bohte. Dat ledje MDG, SV, Ap, Høyre, Kystpartiet, KrF, Alliansen, Venstre, Rødt ja Sp.
Lágideaddji čoahkkimis lei Tromskomiteen for jernbane ja MDG.
(©NTB)

 

Fáddásánit
Ođđasat

På forsiden nå