Divttasvuona suohkan ii čuvvon oahpahuslága

Nordlándda Fylkkamánni lea bearráigeahččan Divttasvuona suohkana ja almmuhan raportta mas boahtá ovdan ahte suohkan ii leat oahpahuslágaid čuvvon.

15:05 Borgemánu 07. beaivi 2017

Raporttas čuožžu ahte Divttasvuona suohkanis ii leat vuogádat movt árvvoštallat ja čuovvolit dieđihangeatnegasvuođa gáibádusaid mánáidsuodjalussii, ja dat lea oassin máŋgga paragráfas oahpahuslágas.

Dasa lassin lea Divttasvuona suohkan, mii lea skuvlaeaiggát, garván bearráigeahččama ahte mánáidgárddiid jođihit njuolggadusaid mielde.

Dál sihtá Fylkkamánni njulget dan dili, čuožžu Fylkkamánni raporttas.

Fáddásánit
Ođđasat

På forsiden nå