– STUORÁMUS EALÁHUS: Klemet Erland Hætta (Sámeálbmot listu) lohká ahte suohkanstivrras ferte cealkámuš vahágiid birra maid suohkana stuorámus ealáhus vásiha. Govven: Sárá Máret Rávdná Oskal

Suohkan­stivra buktá cealkámuša goaskin­vahátáššis

Guovdageainnu suohkanstivrras evttohii Klemet Erland Hætta ahte suohkan ferte buktit cealkámuša goaskinvahátáššiin. Son oaivvilda suohkanis lea deaddu stáda ja departemeantta ektui.

12:10 Geassemánu 15. beaivi 2017
Ođastuvvon: 15.06.2017 - 12:27

Odne lea Guovdageainnu suohkanstivračoahkkin Mázes.

Sámeálbmot listtu Klemet Erland Hætta evttohii lasihit goaskinvahátášši áššelistui, mii dán giđa lea olu beaggán boazodoalus.

Son evttohii suohkan buktá cealkámuša goaskinvahátáššiide mat dán giđa leat fuomášuvvon.

– Boazodoallu lea min suohkana stuorámus ealáhus, ja mii oaidnit man stuora vahágiid goaskin dagaha ealáhussii. Suohkan ii sáhte nu ahte ii áŋgiruša áššis, go mii diehtit suohkanis lea deaddu hálddašeamis Norggas. Mii vásihit dávjá ahte stáda ja departemeantta bealis lea dávjá áddehus dasa maid suohkan cealká, ja jus suohkan ii jietnat maide, de sáhttet jurddašit ahte dát ii leat nu stuora ášši, lohká Hætta Ávvirii.

 

Buktet cealkámuša

 Son jurddaša ahte cealkámušas fertejit vahágat maid boazodoallit vásihit, govviduvvot.

– Min mielas ii oro hálddašeapmi doarvái buorre, ja nálli orru laskan badjel bávtti. Doaimmat fertejit biddjot johtui vai eai leat nu stuora vahágat, lohká Hætta.

Suohkanstivra lasihii ášši áššelistui, ja buktet cealkámuša otná suohkanstivračoahkkimis.

På forsiden nå