Leavnnja kantuvrra SNO-bargi, Torkjell Morset. Govven: Ann Helen Guttorm Johansen (vuorkágovva)

Eai vástit mediai

SNO lea gieldán hupmamis SNO/NOS-áššis, go eai suova SNO-bargiid šat mediai vástidit.

13:47 Geassemánu 16. beaivi 2017

Guokte beaivvi maŋŋel go Ávvir almmuhii SNO/NOS-ášši aviissas, de leat SNO bealis gokčan ášši dan muddui ahte eai suova šat bargiid hupmat mediai ášši birra.

 

Loga maid: Unnán luohttámuš Stáhta Luonddubearráigeahču bargái: Goaskin-bealušteaddji duođašta goaskinvahágiid

Loga maid: – Bilidit iežaset luohtehahttivuođa

 

Eai kommentere

Ávvir lea geahččalan kommentára oažžut SNO njunnošiin ja maid Birasdirektoráhta njunnošiin, muhto ii leat lihkostuvvan.

SNO Leavnnja ossodaga bargi, Torkjell Morset, gii lea Norgga Ornitologalaš Searvvi Finnmárkku ossodaga stivralahttu, duođašta ahte eai galgga hupmat mediai ášši birra.

– Sáhtán lohkat mun lea profešunealla iežan barggus, ja olbmos lea riekta priváhtaeallimii, ja maid doppe dagan, dat ii galgga seaguhuvvot mu bargui. Go dan lean dadjan, de sáhtán lohkat ahte mii eat daja mediai duođi eambbo. Jus áiggut kommentára, de fertet mu hovdii riŋget, lohká son Ávvirii.

 

På forsiden nå