DIEVVAGOAHTÁN: Vuovdinsajit Vuonnamárkaniin, mat lágiduvvojit čakčamánu 2. beaivvi, leat juo dievvagoahtán. Vuorkágovva.

Diŋgon čáppa dálkki márkaniidda

Jus áiggut vuovdinsaji háhppehit sihkkarastit alccet Vuonnamárkaniin, de fertet doamahallat – go dat leat juo dievvagoahtán.

14:50 Geassemánu 14. beaivi 2017
Ođastuvvon: 15.06.2017 - 16:27

Dieđiheamit Vuonnamárkaniidda leat juo álgán boahtit, ja bealli vuovdinsajiin leat juo dievvan. Dieđihanáigemearri lea geassemánu 30. beaivvi, čállet lágideaddjit preassadieđáhusasteaset.

Doppe lea vejolaš oastit dujiid, báikkálaš dávviriid ja borrat njálgga borramuša.

 

Mánáide

Dán jagáš márkaniidda áigot hutkat eambbo aktivitehtaid mánáide; juoiganbargobáji, máinnasbottu, Juffá, njoarosteami, beanavuodjima, deaivvadit heasttain, bohccuin ja sávzzain.

– Soaitá muhtun vel háliidit vuovdit ruovttusráhkaduvvon stohkosiid, jurddašit lágideaddjit.

 

Diŋgon čáppa dálkki

Vuonnamárkanat lágiduvvojit čakčamánu 2. beaivvi, ja lágiduvvojit dološ márkanárbevieruid mielde.

– Márkanis leat dábálaččat 3000 guossi dan guđa diimmus. Márkanguovlu lea Várjjatvuonas, gos álo lea čáppa dálki. Diibmá arvvii buot ránnjásuohkaniin seammás go beaivi báittii Vuonnamárkaniin, rápmostit vel lágideaddjit loahpas.

Fáddásánit
Kultuvra

På forsiden nå