Čájáhusgovva: Josef Isak Utsi

Meteoro­logas jeđđehus Davvi-Norgii

Stáhtameteorologa Jon Smits dálkedieđáhusas lea jeđđehus Davvi-Norgii.

14:04 Miessemánu 12. beaivi 2017
Ođastuvvon: 12.05.2017 - 14:27

Miehtá riikka lea vuordimis seammalágan dálki go dál lea, boahtte vahkkoloahpa. Našunálabeaivái dieđihuvvo maid obbadálki.

Stáhtameteorologa Jon Smits Meteorologalaš instituhtas dat muitala dán NTB:i, son ii lohpit čáppa dálkki miessemánu 17. beaivái.

– Nu mo dál orru, de jáhkkimis lea arvi oarjin Norggas, 80-90 proseantta jáhkehahtti ahte arvá Hordalánddas ja Sogn ja Fjordanes. Nuortan Lulli-Norggas čájehit prognosat ahte lea 30-40 proseantta jáhkehahtti ahte arvá. Lulimus Norggas ja Nuorta-Finnmárkkus lea dušše 10-20 proseantta jáhkehahtti ahte arvá našunálabeaivvi, lohká Smits.

 

Jeđđehus

Muhto sus lea jeđđehus, dain guovlluin gosa ii leat dieđihuvvon arvi, de lea olu eambbo jáhkehahtti ahte šaddá fiertu ja beaivvádat, vaikke temperatuvrrat eai leat gal rábmonveara.

Dasa lassin ii galgga bieggat ge áktánasat.

Miehtá riikka bistet ain galbmadálkkit ja nu galgá joatkit ain muhtin áigge. Smits lohká ahte šaddet čáppa dálkkit, muhto čoaskkis.

 

Vahkkoloahpa dálkedieđáhus

Svalbardas ja Spitsbergenis soaitá muohttit sotnabeaivvi.

Finnmárkkurittus galgá maid muohttit vahkkoloahpas.

Muđuid dattetge gal galgá leat fiertu ja báikkuid beaivvádat maid Davvi-Norggas dán vahkkoloahpa.

– Lávvardaga boahtá alladeaddu mearragáttis siseatnamii. Rittus soitet oavttit, muhto muđuid eanaš fierttut. Sotnabeaivvi leat maid čáppa dálkkit miehtá Davvi-Norgga, muhto Nuorta-Finnmárkkus sáhttet leat muohtaoavttit, muitala Smits.

(©NTB)

Fáddásánit
Ođđasat

På forsiden nå