Finnmárkku politiijaguovllus leat veháš idjabarggut vahkkoloahpaid. Čájáhusgovva. Govven: Heiko Junge / NTB scanpix

Gávdne dievddu čuoggasan muohttagii

Dievdu morihii ja ealáskii go ollii ruoktot.

09:50 Miessemánu 13. beaivi 2017
Ođastuvvon: 13.05.2017 - 09:56

Áltá:

Álttá politiijat ožžo dieđu rigeara birra ovtta viesus bearjadateahket, ja fitne doppe. Politiijat eai váldán ovtta ge gitta, muhto ášši lea ásahuvvon go lea doaruheapmi lea bearrašis.

Álttás lei okta dievdu dikkáskan olgobáikki uksavávttain Álttá guovddážis ja politiijat gohččo su guođđit guovddášbáikki. Dan son ii dahkan ja go politiijat oidne su nuppes, de coggaledje su giddagassii čielgat.

Guokte Huskybeatnaga leigga maid bijadan lávvordaga čuovganeapmái márkanastit Gorravári skuvlla lahka, Álttás. Politiijat vižže beatnagiid, besse eaiggáda ságáide ja son vieččai gárgideaddjiguoktá. 

 

Kárášjohka:

Kárášjogas leat geaidnopolitiijat váldán vuodjinkoarta ovtta vuoddjis dan dihte go sus leat beare ollu čuoggát dievvan vuodjinkortii. Son oaččui guokte čuoggá bearjadaga go vujii beare alla leahtuin.

 

Hammerfeasta:

Hammerfeasta politiijat fitne ovtta viesus gos čuojahedje musihka garrasit, ja gohččo unnidit jiena.

 

Várggát:

Várggáin lei okta gárihuvvan dievdu ribahan nahkáriid ja čuoggasan muohttagii. Sihke politiija ja ambulánsa ledje báikkis iskame dievddu, ja dolvo su ruoktot gos son oaččui vuoimmi ja ealáskii fas.

 

 

Girkonjárga:

Girkonjárgga politiijat ožžo dieđu doaruheami birra ovtta viesus. Goabbat bealit doarrumis leaba ožžon dieđu diktit nuppi orrut ráfis dán ija.

Politiijat bissehedje maid ovtta biilla Girkonjárggas ja gildet biilavuoddji vuodjit dan biilla gitta lea biilašilttaid albma ládje darvehan gitta.

 

Dieđut: Finnmárkku politiijaguovlu Twitteris.

Fáddásánit
Ođđasat

På forsiden nå