OLAHUS: Ovddádusbellodaga nubbijođiheaddji Ketil Solvik Olsen ja sámediggeáirras Arthur Tørfoss. Govven: Arne-Rune Gjelsvik

Olles riika­čoahkkin speaččui gieđaid Tørfossa sáme­digge­áŋgi­ruššama geažil

Sámediggeáirras Arthur Tørfoss oaččui olles Ovddádusbellodaga riikačoahkkima speažžut gieđaid go muitalii mo son áŋgiruššá sámediggepolitihkkarin.

14:39 Miessemánu 09. beaivi 2017
Ođastuvvon: 13.06.2017 - 13:36

Ovddádusbellodaga sámediggeáirras, Arthur Tørfoss, oaččui buohkaid bellodaga riikačoahkkimis speažžut gieđaid go sis leat vuosttaš geardde listtut buot čieža válgabiirres sámediggeválgii.

 

Buohkat spežžo gieđaid

Ovddádusbellodat lea ovddidan ahte áiggošedje heaittihit Sámedikki, dál dattege leat dieđihan listtuid buot biirriin.

– Lea historjjálaš go Ovddádusbellodat vuosttaš geardde dál searvá listtuiguin miehtá riikka, ja mu mielas mii galgat speažžut gieđaid buohkaid ovddas geat áŋgiruššet Ovddádusbellodaga sámediggeválgga giččus. Dan ii leat álo liikká álki, dajai áŋggirdeaddji Tørfoss, ja oaččui buohkaid speažžut gieđaid sámediggeáirasiid ovddas.

Tørfoss válljii maid muitalit riikačoahkkimis eallima birra Sámedikkis, Sámedikki vuosttaldanpraksisa ja goluid birra.

 

Guhtta bellodaga buot válgabiiriin

Lassin Ovddádusbellodahkii de leat vel Norgga Sámiid Riikkasearvi, Bargiidbellodat, Olgeš, Šiella ja Guovddášbellodat dieđihan listtuid buot válgabiirriin.

 

 

 

 

Fáddásánit
Válggat 2017

På forsiden nå