Ovddádusbellodagas ii leat beroštupmi ahte gumppet galget leat Norggas. Govven: Heiko Junge / NTB scanpix

– Gealdde bissu ja báže

Ovddádusbellodaga jahkečoahkkin dohkkehii prográmma mas gumpe ii leat mielde boraspirehálddašanplánain.

14:11 Miessemánu 08. beaivi 2017
Ođastuvvon: 08.05.2017 - 14:13

– Mii áigut ollu šattolaš šattuid ja elliid Norggas. Dál berre ohcat doalahit goaskimiid, guovžžaid, albasiid ja getkkiid logu. Ferte báikkálaččat hálddašit dan gos lea eaktu árvvoštallat dili, ja dan dihte fertejit vuoruhuvvon boraspiriid jávkadit, čuožžu dohkkehuvvon čállosis, dieđiha Nationen.

 

«Stáda galgá buhtadit»

Bellodat ii áiggo guovlluhálddašeami daidda stuora boraspiriide. Ii čiegaduvvo ahte gumpe lea ealli man eai hálit Norggas.

– Mii sávvat gumppe dohko «gos bihppor šaddá», dajai Møre ja Romsdal lahttu riikačoahkkimis.

Bellodat áigu maid ahte rádjerasttildeaddji boraspiret galget rehkenastot Norgga nállái, ja ahte stáda galgá «addit ollislaš buhtadusa eanaeaiggádiidda, ealáhusdolliide, dahje earáide geat stáda bajimuš boraspirehálddašeami dihte masset elliid boraspiriide».

 

Romssa nieida Ida Gårseth Hov lei áidna gii finai sárdnestuolus go gieđahalle gumppemearrádusa.

– Mun háliidan našunála elliidpolitiija, muhto dán áššis lea dušše okta diŋga dadjat: Gealdde bissu ja báže, celkkii Hov. (©NTB)

På forsiden nå