Mahkáš sámi dáiddamusea lea geasuhan ollugiid dán rádjái. Govven: Kila Anti.

Doalahit heakka mahkáš­museas

Vaikke fiktiiva Sámi dáiddamusea lea uvssaid gidden, de lea dattetge sámi dáidda oaidnimis Davvi-Norgga dáiddamuseas gitta čakčii.

12:39 Miessemánu 03. beaivi 2017
Ođastuvvon: 03.05.2017 - 15:05

Badjel 8000 olbmo leat fitnan Sámi Dáiddamusea «There is no» čájáhusas, ja lágideaddjit lohket prošeavtta leamaš sukseassan.

 

Doalahit heakka jurdagis

– Mii háliidit ahte eambbogat galget beassat oaidnit sámi dáidaga, ja mii leat ilus go čájáhus galgá Davvi-Norgga dáiddamuseii, lohká Direktevra Jérémie McGowan.

– Mii háliidit maid doalahit heakka jurdagis ahte Sámi Dáiddamusea sáhttá šaddat duohtan, lohká son.

RiddoDuottarMusea 1300 sámi dáidaga maid badjelaš 60 dáiddára leat ráhkadan, čájeha movt albma sámi dáiddamusea sáhttá leat.

Dál bissu čájáhus Davvi-Norgga Dáiddamuseas borgemánu 27. beaivái.

Fáddásánit
Kultuvra

På forsiden nå