Eanandoallo- ja Biebmodepartemeanta lea dohkkehan jávkadit gottiid Nordfjella guovllus gos CWD dávda lea gávdnon muhtin gottis. Čájáhusgovva. Govven: Hans Solbakken.

Addá lobi jávkadit gottiid Nordfjella guovllus

Eanandoallo- ja biebmodepartemeanta lea sádden reivve Biebmobearráigehččui ja Birasdirektoráhttii mas dohkkehit ávžžuhusa jávkadit gottiid Nordfjellas, vai hehttejit CWD-dávdda leavvamis.

15:07 Miessemánu 08. beaivi 2017
Ođastuvvon: 08.05.2017 - 15:08

Okta eaktu lea ahte Biebmobearráigeahčču ovttasbargá Birasdirektoráhtain ja eará relevánta gelbbolašvuođain go galget ovdal geassemánu 15. beaivvi 2017 ráhkadit čielga plána movt jávkadit dan oasi gottiin Nordfjellas main jáhkket sáhttit CWD-dávdda leat. Plánas ferte leat čilgehus movt čađahit ollislaš barggu, movt váldit iskosiid, biergo- ja bázahusgieđahallan ja makkár njoammueastadeaddji doaibma lea, čállá departemeanta reivvestis.

 

Galgá leat buorre gulahallan

– Daid ovttačilggolaš fágalaš rávvagiid, maid lean ožžon Biebmobearráigeahčus, Veterinearainstituhtas ja oadjebasbiepmu dieđalávdegottis, de lean mearridan doarjut ahte gottiid Nordfjellas oažžu jávkadit. Lean bivdán Biebmobearráigeahču ja Birasdirektoráhta jođánit dahkat fágalaš árvvoštallamiid ođđa iskosiin, dahje jus orru šaddame nu ahte ferte rievdadit doaimma, muitala eanandoallo- ja biebmoministtar Jon Georg Dale.

Departemeanta deattuha reivves ahte galgá leat buorre gulahallan eanaeaiggádiiguin, guohtuneatnamiid geavaheddjiiguin ja suohkaniiguin.

Fáddásánit
Ođđasat

På forsiden nå