Mánnodaga álgá diggeášši Divttasvuona suohkana vuostá. Govven: Terje Pedersen / NTB scanpix

Gáibida miljovnnaid buhta­dussan suohkanis

Rohcošemiid gillájeaddji gáibida dál badjel gávcci miljovnna Divttasvuona suohkanis go eai váldán su eret ruovttustis maŋŋel rohcošemiid.

15:14 Cuoŋománu 21. beaivi 2017

Mánnodaga álgá buhtadusášši Ofuohta diggegottis.

Nisu, gii rohcošuvvui iežas áhččái mánnán, oaivvilda ahte su eadni ii nagodan sus váldit vára, ja lea váidán suohkana go eai leat su viežžan eret su eatnis, čállá VG.

Diibmá geasset dajai nissona eadni VG:i ahte son lea ovttaoaivilis áššis ahte mánáidsuodjalus lei galgat viežžat máná go son ieš ii nagodan fuolahit iežas nieidda.

 

Massá dietnasa

Nissona advokáhtta, Ingar Nikolaisen Kuoljok, lohká su klieantta leat bargonávccaheapmin dál, ja son lea massán ollu dietnasa go lea gillán ja gillá viidáset eallimis.

Suohkana advokáhtta bivdá suohkana áššehuvvat ja ahte nisu ieš šaddá máksit áššegoluid.

– Suohkan oaivvilda dahkan dan maid sáhttet ja berrejit dahkat daid dieđuid vuođul maid suohkan diđii su dili birra, lohká advokáhtta Roald Angell.

Nisu gii lea váidán suohkana, lea okta máŋgasis gii muitalii VG:i diibmá rohcošemiid birra mat galget dáhpáhuvvan Julevsámi birrasis Divttasvuonas. (©NTB)

Fáddásánit
Ođđasat

På forsiden nå