Ruoŧa Sámedikkeválggat leat miessemánus ja válgaprográmmat eai leat vel gárvásat. Vuorkágovva. Govven: Johan Isak Siri.

Čihkosis Sámedikki bellodagaid politihkka

Ruoŧas lea miessemánu 21.beaivvi 2017 sámediggeválggat, muhto eai leat go golbma bellodagas gárvásat válgaprográmmat.

14:07 Njukčamánu 31. beaivi 2017
Ođastuvvon: 31.03.2017 - 14:08

Lea svt.se gii dán dieđiha neahttasiiddus.

Stáhtadiehtti Ragnhild Nilsson čilge válgaprográmma lea dehálamos diehtogáldu jienasteddjiide. 

– Válgaguorahallamis 2013 vástidedje 64 proseantta jienasteddjiin ahte bellodaga válgaprográmmat leat dehálaš diehtogáldut, dadjá son.

 

Stuorimus bellodagas, Bivdo- ja guolástan bellodagas ii leat otne doaibmi ruovttusiidu.

Min geaidnu ja Sámit leat áidna bellodagat main leat válgaprográmmat ruovttusiidduinis.

Iežá bellodagat dieđihit ahte sin válgaprográmmat bohtet almmuhuvvot fargga.

Guovssonásti ságadoalli dieđiha sin ruovttusiiddus sáhttá lohkat sin politihka birra.

På forsiden nå