Borassearvvi generálačálli Anne Lise Ryel Govven: Ann Kristin Engebakken Preassagovva

34 000 eambbo leat váldán seallaiskkadeami

Eambbosat váldet seallaiskkadeami, juohke ahkejoavkkus, muhto earenoamážit lassána lohku nuoraid gaskkas, čájehit logut borasdávdaregistaris. #sjekkdeg-kampanjen ja Thea Steen-rohki oažžuba gudni dán ovddas.

15:01 Njukčamánu 31. beaivi 2017

Maŋŋel máŋga jagi go eanet ja eanet nuorat eai boahtán váldit seallaiskkadeami, de lea dat treanda dál jorggihan.

Maŋŋá guokte jagi (2015 ja 2016) Thea Steenain, Det Nye ja borasdávddaservviin #sjekkdeg-kampanje leat 10 8000 eambbo gaskal 25-29-jahkásaš nuora váldán seallaiskkadeami.

Diibmá válde 5645 eambbo nuora iskkadeami, čájehit ođđa logut borasdávddaregistaris.

– Dat mearkkaša ahte nuorra nieiddaid lohku, geat leat boahtán váldit iskkadeami, lea lássanan 56 proseanttas 2014:s, gitta 62 prosentii 2016:s. Muhto eai leat dušše nuorra nieiddat geat váldet eambbo iskosa dál. Kampánjjas lea leamašan stuorat lassiváikkuhus. Varas logut čájehit ahte sin gaskkas geat bohtet váldit iskosa lea lassánan buot ahkejoavkkuin, sis geat oassálastet goaŧŧočottaprográmmii. 2015:s ja 2016:s leat oktiibuot 34 109 eambbo nissonolbmo geat leat váldán seallaiskkadeami, lohká goaŧŧočottaprográmma jođiheaddji Ameli Tropé.

 

70 olbmo jápmet jahkái buozalmasvuođain

Dál ožžot buot gaskal 25- ja 69-jahkásaš nissonolbmot reivve borasdávddaregisteris juohke goalmmát jagi, mas lea diehtu váldit oktavuođa doaktáriin vai besset seallaiskkadeami váldet.

Go buohkat dál dahket dan, de gádju dat eambbo olbmuid, deattuha borassearvvi generálačálli, Anne Lise Ryel.

– Juohke jagi ožžot badjel 300 nissonolbmo goaŧŧočottadávdda. 70 olbmo jápmet dainna buozalmasvuođain. Go váldá seallaiskkadeami, de sáhttet doaktárat fuobmát ja dikšut seallarievdadusaid ovdal go ovdánahttá borasdávdan, lohká Ryel.

 

Lassáneapmi lea historjjálaš

Ameli Tropé deattuha ahte lassáneapmi lea áibbas earenoamáš mii goassege lea leamašan goaŧŧočottaprográmma historjjás.

– Dat leat earenoamáš logut. Mii leat hui duđavaččat daid buriid loguid dihte nuorra nieiddaid searvvis, ja dasa lassin vel lea hirbmat movttiidahtti go lea boarrásiid ahkejoavkkus maid lassánan lohkku. Muhto eat sáhte vuoiŋŋastit vaikko leat buorit logut. Liikká lea juohke goalmmát gii ii iskkat iežas, nu ahte mii joatkit bargguin ahte joksat sin maid, lohká Ameli Tropé.

 

Ovttas lihkostuvvan

Borassearvvi generálačálli Anne Lise Ryel addá rámi Thea Steen rohkkái daid buriid loguid ovddas.

– Thea haga eat livčče mii olahan dakkár bohtosiid, su áŋgiruššama, oktavuođaid ja áigumuša juohkit iežas garra historjjá. Ovttas leat mii lihkostuvvan hehttet eambbo nieiddaid boahtimis seamma dillái go Thea, lohká Ryel.

På forsiden nå