– Hui buorre leamaš!

Gonagas Harald lei «Bååstede» čájálmasraphámis Bispegården nammasaš báikkis Troandimis, muhto lei hui jávoheapme ja ii vástidan eambbo ovtta gažaldahkii.

21:47 Guovvamánu 06. beaivi 2017
Ođastuvvon: 06.02.2017 - 21:48

«Bååstede» čájálmasa rabai gonagas Harald. Son beasai veahá eará ládje dan dahkat go čuohpastit.

Son gálgalii bárggežiid, ja dakko bokte lei «Bååstede» Troandimis rahppon Bispegården museas.

«Bååstede» lea Lulli-sámegiella ja mearkkaša «máhcahit».

Leat ge Norgga sámediggi ja Norgga álbmotmusea 2012:s čállán šiehtadusa gos daddjo ahte sámi vuorkkádávvirat galget máhcahuvvot gosa gullet.


II ČUOHPASTAN: Gonagas Harald rabai «Bååstede» čájáhusa. Son ii čuohpastan báttiid, muhto son gálgalii bárggešiid.
Govven: Terje Visnes/adresseavisa

Jávoheapme
Gonagas Harald ii lean nu beare hubmái go gearggai «Bååstede» rahpamis, son dušše vázzilii biilii mii lei uvssa ovddas Bispegårdenis.

Son olli gal ovtta gažaldaga vástidit, ahte sus lea buorre beaivi leamašan sámi álbmotbeaivvi ávvudeamis Troandimis vuosttaš sámi konferánsa 100-jagi ávvudeami oktavuođas.

Ávvirmielbargi jearai sus movt lea dán rádjai leamaš su beaivi, sus lei hui oanehis vástádus maid son ii šat čiekŋudan veahá ge.

– Hui buorre!, logai son, ja ii vástidan šat ovttage eará gažaldahkii.

På forsiden nå