Čájáhusgovva.

Evttohit ráhkadit luotta Skuvvanváris Áltái

Evttohuvvo luotta ráhkadit Álttá ja Leavnnja gaskkas, nu ahte šaddá 100 kilomehtera lagat vuodjit.

15:31 Guovvamánu 27. beaivi 2017

Gurutbellodaga jahkečoahkkimis evttohuvvui ráhkadit ođđa E6- luotta Álttás Levdnjii, čállá NRK Finnmárku.

– Go bidjet luoddaosiid dahje olles luotta tunneallaid čađa, de ii šatta váttisvuohta boazodollui, oaivvilda fylkkabellodaga jođiheaddji Leif Wasskog preassadieđáhusas.

 

Šattašii lagat

Luottat, mat leat Álttás Porsáŋgui, lea E6-luodda Skáiddi bokte, mii lea 196 guhkki, dahje Gievdneguoikka bokte mii lea 242 km guhkki. Ođđa luodda šattašii 72 km guhkki.

Gurutbellodat evttoha luotta vuolgit Skuvvanváris, mii lea Leavnnja lulábealde, čállá NRK Finnmárku.

Fáddásánit
Ođđasat

På forsiden nå