Tråante 2017 prošeaktajođiheaddji Ida Marie Bransfjell ja Posten Norge hoavda Tone Wille čájeheaba ávvuboastamearkkaid. Govven: Tore Oksnes

Čalmmustahttet ávvudoaluid boastamearkkain

Mánnodaga guovvamánu 6.beaivvi almmuhuvvo boastamearka mainna Posten Norge ávvuda go lea 100 jagi áigi go sámi vuosttaš riikkačoahkkin lágiduvvui.

13:24 Guovvamánu 02. beaivi 2017
Ođastuvvon: 02.02.2017 - 13:29

Tråantes lágiduvvui riikkačoahkkin, ja boastamearkkain ja ávvudandoaluin lea dan dihte namma Tråante 2017.

– Čuođijagi ávvudeapmi lea dehálaš dáhpáhus Norgii ja erenoamážiid sámiide, ja mii leat ilus go beassat almmuhit guokte fiinna boastamearkka maiguin ávvudit, muitala Posten Norge hoavda Tone Wille.

Tråante 2017 boastamearka

Árvu: 13 ruvnno bihttás.
Deaddelan lohku: 1 590 000 boastamearkka goappás ge.
Dáiddár: Astrid Båhl

 

Sámi dáiddár hábmen
 Lea sámi dáiddár Astrid Båhl gii lea ráhkadan boastamearkkaid. Boastamearkkain lea sámi leavgga govva. Ovtta boastamearkkas lea álkis sárggus Sámedikki vistis. Nuppis ges lea govva Elsa Laula Renbergas, gii lei sámi rivttiid ovdavázzin.

Ođđa boastamearkkaid oažžu geavahit go sádde boasta Norggas, ja reive ferte deaddit vuollel 20 grámma.

På forsiden nå