Mánáidviesus dahket fágabargit jearahallamat mánáin. Dál áigot ásahit mánáidviesu Finnmárkui maid. Čájáhusgovva. Govven: Jo E. Brenden / Scanpix.

Ásahit mánáidviesu Finnmárkui

Finnmárkku mánát šaddet guhkes mátkái vuolgit go galget dutkamii Romssas. Dál heaittihit dan doaimma mii lea mánáide leamaš lassi noađđin.

15:43 Ođđajagimánu 19. beaivi 2017

Justiisaministtar Per-Willy Amundsen muitala NRKii ahte sii leat mearridan ásahit mánáidviesu Finnmárkui.
– Dat ii leat dohkálaš ahte Finnmárku lea áidna politiijaguovlu mas ii leat mánáidviessu. Odne mearriduvvui ásahit ossodaga Finnmárkui mii galgá leat Romssa mánáidviesu jođiheami vuolde. Dat galgá jođánit leat sajis, muitala Amundsen.

Finnmárkku politiijat leat guhkit áiggi vuorjašuvván go mánát leat šaddan Romssa fylkii mátkkoštit go galget dutkamiidda, čállá NRK Finnmark.
Finnmárkku politiijaguovlu dutkái 169 máná diibmá, čállá NRK Finnmárku.

 

Fáddásánit
Ođđasat

På forsiden nå