Dutkit muitalit Svalbárdda bohccuid guoiran 12 proseanttain maŋemus 16 jagis. Govven: Berit Keilen / SCANPIX

Dutkit: – Dálkkádat­rievdan čuohcá Svalbárdda gottiide

Dutkit oaivvildit ahte gottit Svalbárddas leat gehppon dálkkádatrievdamiid dihte.

13:54 Juovlamánu 12. beaivi 2016
Ođastuvvon: 13.12.2016 - 09:51

Maŋemus 16 jagi lea bohcco deaddu njiedjan 12 proseanttain Svalbárddas.

Dutkit James Hutton Institute dutkit Skottlánddas leat vihken bohccuid Svalbárddas 16 jagi.

– Go geahččá dehálašvuođa gorutdeattus guoddima ja ceavzima ektui, de leat stuora rievdadusat deattu ektui, muitala Steve Albon, gii jođiha dutkanbarggu.

 

Bohccot laskan maŋemus jagiid

Svalbárda lea okta báikkiin gos dálkkádatrievdan dovdo eanemusat. Bivvalit dálvi buktá eanet arvvi, mii fas jiekŋu eatnan ala. Jiekŋa dahká ahte lea váttis bohccuide guohtut.

Vaikko jiekŋa dagaha váttisvuođaid, de leat bohccot lassánan maŋemus logi jagis. Stuorát gilvu biepmu alde sáhttá maid sivvan go bohccot leat gehppon.

 

Dutkit jáhkket ollu bohccuid jápmit

Dutkit jáhkket ahte Arktiisa bohccot lasket ja ahte bohccot guirot, ja ollu bohccot sáhttet jápmit go šaddá váddáseabbon gávdnat biepmu.

Guokte jagi áigi jápme 61 000 bohcco Jamal-sullos Sibirjás sullásaš dáhpáhusa dihte. (©NTB)

På forsiden nå