Preassagovva.

Vuite Suoma buoremus duovddafidnu-bálkkašumi

Suoma buoremus duovddafidnu-bálkkašupmi Sávzaguođoheaddjivahkuide manai Meahciráđđehussii, maiguin dikšot maiddái sápmelaš árbeduovdagiid.

16:06 Golggotmánu 28. beaivi 2016

Sávzaguođohanvahkut vuite Suoma buoremus duovddafidnu-bálkkašumi, mii juhkkojuvvo odne Ruonájagi (Vihervuosi) loahppadáhpáhusas Seahtodálus. Meahciráđđehusa luonddubálvalus giitá duháhiid sávzaguođoheddjiid, sávzadivššáriid ja sávzzaid rabas árbeduovdagiin! Sávzaguođohanvahkut joatkašuvvet jagi 2017.

 

Dikšun ja suodjaleapmi

Duopmárjoavku anii árvvus dan go vuoitán doaibma lea innovatiivvalaš ja movttiidahtti, mainna sihke sávzzaid eaiggádat ja eaktodáhtolaš divššárat gávdne oktasaš ávkki.

Sávzaguođoheaddjivahkut lea áidnalunddot vuohki ollašuhttit divrras duovdaga dikšuma ja suodjaleami. Sávzzat leat álbmotmehciid ja suodjalanguovlluid dehálaš veahkit, mat dollet niittuid ja eará árbeduovdaga rabasin. Árbevirolaš guođoheapmái vuođđuduvvan šibitdoalu geahppáneapmi lea dahkan niittuid ja daid šlájaid hárvenažžan oppa Suomas.

 

Sávzaguođoheaddjin Jeagelveaji ja Gáppe-Jovnna sámedállui

Jeagelveaji sámebáiki vuođđuduvvui jagi 1858 Deatnogáddái, jahkečuđiid áigge geavahuvvon bivdosajiid lahkasii. Dálu olbmot bivde guoli ja dikšo sávzzaid fiinna duovdagiid guovdu. Báiki lea dál áidnalunddot historjjálaš oaidnámuš ja albma bihttá sápmelaččaid vássán áiggis ja boahtte geasi maiddái sávzaguođoheaddji ruoktu vahku áigge.

Gáppe-Jovnna gieddi Leammi álbmotmeahcis lea dehálaš duovddadahkki ja beakkán sámesoga boares ássanbáiki. Álbmotmeahcci vánddardanvejolašvuođaidisguin leahkkasa geasi áigge sávzaguođoheaddjái seammás šilljobirrasa olggobealde. Guođoheddjiin lea anus suhkanfanas, man dárbbaša maiddái Njurgoluovtta gillái johtimii, go báiki lea geainnohis mátkki duohken «joga nuppe bealde».

 

Vuorbádit sávzaguođoheddjiid

Oassálastin geasi 2017 sávzaguođohanvahkuid vuorbádeapmái álgá vuossárgga 16.1. dmu 12.00 ja joatkašuvvá vuossárgii 25.1. dmu 12.00 rádjái čujuhusas www.luontoon.fi (suomagillii). Sávzaguođoheaddjit vuorbáduvvojit almmuheddjiid joavkkus guovvamánu 2017 áigge. Sávzaguođohanvahkut leat mávssolaččat. Báikkiid mielde hattit leat juogo 350 dahje 400 euro. Mávssuin gokčojuvvojit báikki bajásdoallangolut ja luonddudikšungolut.

 

Sávzaguođoheaddji láigoha vahkkui dálu fiinna duovdagiid guovdu. Guođoheddjiid doaimmaide gullet lonuhit sávzzaide buhtes juhkančázi, čuovvut sávzzaid almmolaš dili ja sirdit sávzzaid guođohuvvon báikkis čuovvovažžii. Sávzzaid lea buorre maiddái lohkat beaivválaččat, vai vejolaš gárgidan sávzzat fáhtejuvvojit. Dálu sturrodaga mielde sávzadivššár sáhttá váldit mielde bearraša dahje ustiba guođohanskibirin.

Fáddásánit
Ođđasat

På forsiden nå