VÁLLJEJUVVON: Kåre Olli lea válljejuvvon Ávjovárri válgabires presideanta evttohassan sámedikke válggain boahtte jagi. Vuorkágovva: Astrid Helander

Olli Bb presideanta­evttohassan Ávjo­váris

Bargiidbellodagas (Bb) Ávjovári válgabires lei mannan sotnabeaivvi nominašuvdnačoahkkin Guovdageainnus.

13:09 Golggotmánu 17. beaivi 2016
Ođastuvvon: 13.06.2017 - 13:49

Kåre Olli válljejuvvui Ávjovári válgabire Bargiidbellodaga presideantaevttohassan sámediggeválggaide , čállá Ságat áviisa.

Ságat dieđuid mielde oaččui Olli 12 jiena gávcci jiena vuostá.

 

Mearridit mánu geahčen

Ávjovári Bargiidbellodat ledje maŋŋonan nomineremin, ja nu šadde maid maŋidit nominašuvdnačoahkkima. Dál go leat doallan čoahkkima de lea ge Kåre Olli okta Bargiidbellodaga máŋga presideantaevttohasain.

Dássážii leat maiddái Helga Pedersen ja Bjørn Inge Mo evttohuvvon Bargiidbellodaga presideantaevttohassan.  

Bargiidbellodaga sámepolitihkalaš konferánssas skábmamánu 19. ja 20 beivviid, mearridit guđet dáin šaddaba bellodaga loahpalaš sámediggepresideanta- ja várrepresideantaevttohassan boahtte jagi válggain.

På forsiden nå