Saminuora jođiheaddji Isak Utsi oažžu áŋggirdeaddjebálkkašumi odne. Govva: Ungdomar.se.

Oažžu áŋgir­deaddje­bálkkašumi Stock­holmmas odne

Isak Utsi oažžu dán jagáš áŋggirdeaddjebálkkašumi Stockholmmas odne su áŋgiruššamis globála mihtuid ektui.

13:38 Golggotmánu 05. beaivi 2016
Ođastuvvon: 06.10.2016 - 09:54

Isak Utsi lei nammaduvvon bálkkašupmái go lea garrasit bargan sámiid iešmearrideami ovddas, mii lea ožžon eará nuoraid áŋgiruššat eamiálbmogiid rivttiid ovddas. Son jođiha Sáminuorra searvvi ja leamaš mielde Máilmmiluonddufoandda nuoraidráđis. Neahttasiiddus lei jienasteapmi gos 1200 olbmo jienastedje. 31 proseantta jienain manne Isak Utsii.

 

Dovdá árvvu barggus

– Lea hui stuora gudni ja lean hui giitevaš go ožžon nu ollu jienaid jienasteamis. Dovddan ahte lea árvu barggus man mii nuorat dahkat. Buohkat geat ledje nammaduvvon ledje gutnalaš vuoitit, ja dušše nammaduvvot ovttas eará áŋggirdeddjiiguin lei doarvái, muitala Isak Utsi Ungdomar neahttasiiiddus.

 

Bálkkašupmi geigejuvvo odne Global Goals Forumis Stockholmmas. Lea Sida, Olgoriikadepartemeanta ja we_change mat lágidit foruma.

Fáddásánit
Ođđasat

På forsiden nå