Vibeke Larsen Vuorkágovva: Inga Marie Guttorm

Joatká bajimussan

Bargiidbellodat Viesttarmearas lea maid doallan nominašuvdnačoahkkima lávvardaga, doppe válljejedje Vibeke Larsena bajimussii.

12:21 Golggotmánu 02. beaivi 2016
Ođastuvvon: 13.06.2017 - 13:51

Viesttarmeara nominašuvdnalistu 2017 válggaide:

1. Vibeke Larsen

2. Arild Pettersen Inga, Suorttat

3. Alessia Reina, Budejju

4. Lars-Joar Halonen, Loabát

5. Ulrika Louisa Snowdon, Vuogát

6. Terje Krutådal, Budejju

7. Berit Oskal Eira, Loabát

8. Ove Andre Johnsen, Siellat

9. Tove Berg, Rivttát

10. Kim Erling Amundsen, Bálat

Bargiidbellodat Viesttarmeara válgabiires doalai nominašuvdnačoahkkima lávvardaga.

Doppe válljejedje Vibeke Larsena sin listtu bajimussii.

– Mun hui sákka giittán luohttámuša ovddas, ja lean movttet daid ovddas geat leat mielde listtus, čálle Vibeke Larsen iežas facebook-siiddus.

 

Nuorat mielde

Larsen lea erenoamáš movttet go leat ožžon nuoraid mielde listui, ja čujuha goalmmát, viđát ja logát sadjái, dat leat Alessia Reina, Budejjus, Ulrika Louisa Snowdon, Vuogáin ja Kim Erling Amundsen, Bálain.

– Mun illudan válgagizzui dáinna joavkkuin, čállá Larsen.

 

Bargiidbellodaga sámepolitihkalaš konferánssas skábmamánu 19. ja 20 beivviid mearridit geat šaddaba bellodaga sámediggepresideanta- ja várrepresideantaevttohassan.

Sámediggeválggain 2013:s lei Vibeke Larsen Bargiidbellodaga sámediggepresideantaevttohas.

 

 

På forsiden nå