Odne eahket muitala dovddus olmmoš Erlend Elias Bragstad TV2š kanálas rohcošeami birra maid mánnán vásihii. Govven: Vegard Wivestad Grøtt / NTB scanpix

TVs muitala odne eahket maid vásihii mánnán

Erlend Elias Bragstad muitala TV odne eahket iežas rohcošuvvon risttalaš leairras go lei nuorra.

12:31 Čakčamánu 03. beaivi 2016
Ođastuvvon: 03.09.2016 - 12:32

Erlend Elias Bragstad lea dovddus olmmoš ja ivdne Norgga nástealmmi, čállá TV2s ruovttusiiddus.

 

Muhto eallin ii leat álo leamašan nu álki Erlend Eliasii. Diibmá lei lossa dilli go manaiga ovttasássiin goabbat sadjái, ja seamma jagi muitalii ahte sus lea borasdávda.

Odne eahket muitala Erlend Elias God Kveld Norge prográmmas ahte sus lea stuora moraš maid lea čiegadan olles eallima.

– Ledjen mátkis risttalaš organisašuvnnain. Lei vuosttaš geardde go mátkkoštin váhnemiid haga. Dan mátkis rohcošii dat olmmoš mu, gii galggai mus váldit vára mátkis, muitala Bragstad God Kveld Norgii.

 

Vieččai su juohke eahkeda

Golle máŋga jagi ovdal Bragstad muitalii iežas váhnemiidda dáhpáhusa birra. Otná dan beaivvi ii leat muitalan beare máŋgasii dáhpáhusa birra.

– Son lei nu unni, deahkeheapme ja hearki, muittaša su eadni, Ann Irene Sæter čiero čalmmiid.

 

Juohke eahkeda láidejuvvui Bragstad olggos lanjas gos son ođii, máŋggaid vahkkuid, mátkis maid risttalaš organisašuvdna čađahii.

Go Erlend šattai 22 jagi boaris, de muitalii son iežas váhnemiidda dáhpáhusa birra. Sii válde oktavuođa singuin geat čađahedje mátkkiid, muhto sii hilgo doarjut bearraša.

 

Odne eahket sáhtát geahččat ášši gos Bragstad muitala eanet, TV2 kanálas diibmu 21.30.

Fáddásánit
Ođđasat

På forsiden nå