”Bajásguvlui viggamin Sápmáiduddjomat” Iver Jåks, 1979. Muorra, čoarvi ja sisti. Govva: Liv Engholm, RDM.

«Duodji in my heart» Levdnjii

Vuosttaš geardde bovde dál Porsáŋggu musea geassečájáhussii Fefo-vistái Leavnnja guovddážis

12:37 Geassemánu 10. beaivi 2016
Ođastuvvon: 13.06.2016 - 10:38

Dát čájáhus lea johtán juo olu. Dan diŋgui Sámediggi RiddoDuottarMuseain juo jagis 2013, riikkaidgaskasaš eamiálbmotkonferánsii ÁLTÁ 2013. Maŋŋil dan leamašan čájáhus geardomátkkis, earret eará Gaska-Romssa Museas ja Árran Julevsámiguovddážis, muhto lea maid lea čájehuvvon Sámiid Vuorká-Dávviriin.

 

Viidodat ja dovddus duojárat

 – Čájáhusa sisdoallu lea dáiddaduodji, govat ja installašuvnnat. Dáiddabargguin oaidná dan viidodaga teknihkka- ja materiála geavaheami bokte. Dovddus duojárat miehtá Sámi bohtet ovdan čájáhusas ja sii leat Iver Jåks, Per Isak Juuso, Randi Marainen, Inger Blix Kvammen, Gjert Rognli, Matti Aikio, Katarina Pirak Sikku ja olu earát.

Nu čállá RiddoDuottarMuseat preassadieđáhusas.

 

Oaidnimis čakčii

Dáidagiid lohket sii gullat dan stuora Sámi dálááigge dáiddačoakkáldahkii maid RiddoDuottarMuseat-Sámi Dáiddamagasiidna Kárášjogas vurkkoda ja hálddaša.

Leavnnja čájáhusa rahpaba sátnejođiheaddji Aina Borch ja RiddoDuottarMuseaid direktevra Anne May Olli duorastaga 16.06.2016 dii. 18:00, ja lea oaidnimis 16.06.-16.09.2016, čállet sii preassadieđáhusas.

 

 

 

 

Fáddásánit
Ođđasat

På forsiden nå