Magasiidna

Sámedikki rahpamii ledje olu olbmot boahtán, sihke almmolaš olbmot ja skuvlamánát. Geahča videoid áššis makkár vuordámušat ledje rahpamii.

Sámedikkis leamaš dáid beivviid hušša buot fuolahit ovdal go Majestehtalaš Gonagas Harald V boahtá odne rahpat gávccát Sámedikki.

Odne lea máilmmi psyhkalaš dearvvašvuođa beaivi, ja dán jagáš fáddá lea «Juoga mii illuda du». Ávvir lea jearahan sámi beakkálmasaid gullan dihtii mii sidjiide addá movtta árgabeaivvis, ja sis soitet buori rávvagat lohkkiide.

Vuoiŋŋalaš vierut leat leamaš guovddážis Sámis agiid čađa. Maŋemuš áiggiid eai leat šat seamma guovddážis, ja guvllár Biete Simma jáhkká dan birra ii hubmo go olbmot eai duostta. Sámi allaskuvla lágida dál guokte beaivvi seminára juste dan fáttás.

Rosa Sløyfe 2017–akšuvdna mii galgá čalmmustahttit čižžeborasdávdda:

Jahkásaččat lea Rosa Sløyfe -akšuvdna mii galgá čalmmustahttit čižžeborasdávdda. Dán jagi sii čalmmustahttet váttuid mat čuožžilit maŋŋel čižžeboras­dávdda divššu. Kárášjoga nieida Ida Charlotte Kemi lea nuppes juo čoaggime ruđa dán akšuvdnii go son áiggošii váikkuhit dutkama mii guoská borasdávdii.

– Máŋgasiidda lea rádio ain árgabeaivvi skibir ja guoimmuheaddji gos gullá ságaid iežas gillii, sihke anáraš-, nuortalaš- ja davvi­sámegillii Suomas, lohká Yle Sámi doaibmi hoavda Maria Saijets dál go Yle Sápmi deavdá 70 jagi.

Čiekŋalis dovddut bohtet oidnosii:

Odne čájehuvvo NRK TV-ráidu «I gode og onde dager» maŋemus oassi. Dán oasis muitaleaba Ole Morten Sara ja Terese Olli Sara iežaska ráhkisvuođa birra. Ole Morten muitala ahte bohtet oidnosii čiekŋalis dovddut dán oasis.

Dološ báktesárgumat, ođđamállet doappar­sirren, sushi ja gávppašeapmi lei diibmoplánas go Guovdageainnu mánáidskuvlla oahppit finadedje oahppo­mátkkis ránnjásuohkanis. Dán mátkereivves muitalit vásáhusaideaset birra.

Eai buohkat duostan čájehit ámadaju Barents Pride ráidovázzimis:

Eai buohkat duostan čájehit iežaset ámadaju ja geavahedje máskkaid mannan vahkkoloahpa Barents Pride ráidovázzimis, go dilálašvuohta Ruošša homofiillaide ja ­lesbbaide ii leat seammalágan go Norggas. Muhtumat sáhkkohallet, gártet giddagassii dahje dušše jávket, jápmet ja garrasit roasmmohuvvet, muitala Ruošša LHBT-searvvi jođiheaddji.

Go stuorimus sámi mánáidskuvla vuolgá mátkái, de leat 234 oahppi ja 34 oahpaheaddji fárus. Sis lea sámi árbevirolaš oahpahus lagasbirrasis olu doaimmaiguin mat geasuhedje ohppiid.

Siiddut