Helsesportukas beasat oahppat dávggiin báhčit, bissuin báhčit, beanaráidduin vuodjit ja ollu eará doaimmaid bargat. Govven: Haakon Emblemsvåg

Olles vahkku olgodoaimmat

Badjelaš 50 oasseváldi ja mieđušteaddji miehtá Norgga leat čoagganan Detnui dán vahkku. Ulbmil lea sosiála ovttastallan ja lášmmohallan.

13:07 Borgemánu 08. beaivi 2017
Ođastuvvon: 08.08.2017 - 13:08

Helsesportuka álggahuvvui ja lágiduvvui vuosttaš geardde 1980:s. 18 jagi maŋŋel šattai doaibma riikkadoaibman, ja dainna lágiin oažžugođii bissovaš ruhtadoarjaga lágideapmái.

 

Oktavuođaid nannejit

Helsesportukai čoagganit doaimmashehttejuvvon olbmot ja čađahit doaimmaid mat galget buoridit dearvvašvuođa ja nannet oktavuođa olbmuid gaskkas geain eai leat nu viiddis fálaldagat iežaset birrasis.

Váldobáiki lea Eanandoalloskuvllas Bonjákasas Deanus. Unnimusat 30 oasseváldi servet ja leat 20 bargi/mieđusteaddji fárus. Lea 37. geardde go lágideapmi čađahuvvo, ja álggii sotnabeaivvi. Lávvordaga loahpahuvvo Helsesportuka.

Fáddásánit
Magasiidna

På forsiden nå