Kultuvra

Dan botta go romsalaččat ođđe mannan ija, de leat Gáissi giellaguovddáža bargit šilten olles gávpotoasi sámegillii. Dál vuorddašit gealdagasas olbmuid reakšuvnnaid.

Kulturdepartemeanta lea evttohan ođđa lága ja rievdadit doarjjaortnega  osko- ja eallinoaidnoservvodagaide maid dál sádde gulaskuddamii.

– Mus lei dárbu muitalit dálá nuoraid birra ja nuorra nieiddaid vásáhusaid birra dakkár vugiin mii heive nuoraide. Girji sáhttá leat veahá roavis ja váldá ovdan áššiid nu go borranváttuid, seksualitehta ja jugešvuođa. Dan muitala nuorra girječálli Saia Stueng, gii fargga almmuha girjji «Hamburgerprinseassa».

Mannan geasi arkeologalaš goaivumat sámi orrunsaji olggobealde Järvsövas lihkostuvve bures. Sámi meavrresgári náhkkebáddi gávdnui, ja nu guhkkin lullin ii leat goassige gávdnon sámi meavrresgárri ovdal.

Davviriikkalaš sámegielaid fága- ja resursaguovddáš Sámi Giellagáldu lea váldán adnui ođđa neahttasiidduid. Ođđa neahttasiidduin leat sierra siiddut sihke lulli-, julev-, davvisámegiela ja anáraš- ja nuortalašgiela várás.

Ante Aikio nuoraidromána «Jeaggejávrri čiekŋalasat» lea almmuhuvvon suomagillii 2014:s. Dát lea fantasiijaromána mas sámi mytologalaš hámit leat rollain. Girji lea rámi ožžon Suomas ja daddjo leat gelddolaš lohkamuššan.

NRK Sámi ođasredaktevra Jan Rune Måsø ii áigon nu olu almmuhit musihkkabargguidis birra, muhto go MÅSØ joavkku musihkkavideo «Gos Leat Don?» fáhkkestaga johtigođii riikkas riikii, de lei veadjemeahttun leat jávkosis.

Norgga kulturárbi fállá stipeandda skuvlaluohkaide, mánáidgárddiide, servviide ja joavkkuide jus servet čorgenakšuvdnii mas lea ulbmil čorget kuturmuittuid iežaset lagasbirrasis. Buoremus prošeakta oažžu bálkkašumi lassin 4000 ruvdnosaš stipendii.

Bohccobiergu lei bivnnut Matstreifas mii lea Norgga stuorámus biebmofestivála. «Rein – helten på vidda» biebmotealtá lei buoremus dán jagi jury mielas.

– Vaikko olmmoš dovdá iežas hui álásin ­lávdde alde, go muita­la iežas eallinvásá­husaid birra, de lea dehálaš muitalit ­nuoraide dan, lohká Nils Rune Utsi dahje SlinCraze, geas lea váldorolla teáhterbihtás givssideami ­birra.

Siiddut