Kultuvra

Sámi musihkkafestivála vuođđudus galggašii rievdaduvvot oasussearvin. Dál ­dieđiha buvttadeaddji, Ol Johan Gaup, ahte dat ii šatta realitehtan vel dán ge jagi.

Mánáidprográmmaráidu Binnabánnaš dubbejuvvo anáraš- ja nuortalašgillii. Ráidu almmuhuvvo golggotmánu álggus Yle Areenas, Mánáid Areenas.

Dál sáhttá ohcat doarjaga Finnmárkku fylkkagielddas ráfáidahtton huksehusaid, kulturmuittuid ja kulturbirrasiid divodemiide.

Arvid Jåma, boazosápmelaš ja Lulli-Sámi ­kulturaktivistta oaččui duorastaga Lulli-Sámi kulturbálkkašumi Tjaktjen Tjåanghkoe čakča­festivála oktavuođas. Jåma lea vuosttaš gii ­oažžu dán bálkkašumi.

Dán oainnát Romssa museas.

Sierra ássanguovlu Romssa gávpotsápmelaččaide, mii eaiggáduššá sihke sierra siidda, návetdoaluid ja luossajogaid, vai ássit besset bohccuiguin, návetdoaluin ja guollebivdduin bargat. Die lea oassi jurdagis mainna dát dáiddártrio geahččala boktit digaštallama gávpotsápmelaččaid dili birra.

Guovdageainnu suohkana sátnejođiheaddji Johan Vasara muitalii Mázes ahte suohkan fállá ovdeš Mázejoavkku bargobáji lahka Máze giliviesu Máze Dáiddasiidii ja sávvet dáiddabargu ealáskivččii.

Mannan vahkkus čoahkkinaste dáiddárat ja dutkit Mázes ja ulbmil lei iskat oktasaš lahkoneami ja bargovugiid mo sáhttet ovttasráđiid bargat eamiálbmogiid árbevieru eavttuid mielde.

documenta 14 dáiddalaš jođiheaddji Adam Szymczyk ja kuráhtora Candice Hopkins muitaleaba máilmmi stuorámus dáiddačájáhusa guossit liikojedje nubbinbuoremusat sámi dáidagiidda.

Elle Sofe Henriksen lea dán vahkku bargan guvttiin filmmain. Goappašat filmmain leat dološ sámi árbevierut fáddán. Vuosttaš filmma sii leat girkus filbme­me mas váldet ovdan duođalaš ja dehálaš ášši, mii lávii dološ áiggi risttalašvuođas Sámiid gaskkas. Nuppi filmmas lea dološ irggástallanvuogi birra, go dievva bártnit sálve ovtta nieidda boahkánii gitta.

Siiddut