Almmuhus

Almmuhus

Gilvu čavgá, muhto Ella lea ain mielde

Govva: Julia Marie Naglestad/NRK

Mannan lávvordaga lei goalmmát oassi Stjernekamp-gilvvus mas sámi nieida Ella Marie Hætta Isaksen lea mielde. Dán háve manai hui bures Ella Marie lávlumiin, go ráppii ja dánssui «Fancy» lávlaga man Iggy Azalea lea lávlon ovttas Charli XCX:in ovdal.

Published date: 
Sotnabeaivi, 9 Čakčamánu, 2018 - 10:34
Updated at: 
Ođastuvvon: 10.09.2018 - 11:27
Fáddásánit: 

Ovddit háve ii lean rápmi nu olu oažžumis duopmáriin Ella Márie bealis go oasseváldit lávlo countrylávlagiid. Dán vuoru ges,  go rap lei guovddážis, nagodii Ella oažžut buoremus árvosániid árvvoštalliin ja duopmárat rápmojedje hirbmosit.

 

Dušše fal rápmi

Guosseduopmár Maria Karlsen hei hirpmahuvvan ja logai:
– Don leat áibbas vilddas. «Ella has come to slay» (sámegillii: Ella lea boahtán jámasin huškkut). Čájehit miellaguottu, miellamášu ja deaivilvuođa, dainna vugiin movt álget, ja dus vuolgá buot čoavjjis. Áibbas buorre. Giitu!

Nubbi duopmár, Mona B. Riise, maid attii rámi:
– Don nagodat juoidá man buohkat eai nagot, doalahit miellamášu stáđisin. Don leat alvvalaš artista. Don leat nuoramus dain oasseváldiin, muhto dus lea eanemus autoritehta lávddis. Don ovdanbuvttát, leat dego juvela man ii dárbbat šliipet, ja báittát nu bures. Hui buorre, dajai Riise.

Ieš logai Ella Marie ahte lei hui oanehis áigi lávddis, go vuollel guovtti minuhtas galgá bargat lávddis, ja de váldit vuostá rámi ja spižá.
– Lea veahá váttis munnje, go lean šaddan bajás politihkkárin ja ieš liikon dadjat dan maid oaivvildan, logái Ella Marie.

 

Árvvoštalai guđeža

Ná čállá ges NRK árvvoštalli, gii fieraldahtii guđeža birccus Ella Mariei.
– Son gii nu hirbmosit ražai sániid cealkimis čielgasit, de lea oalle ekstahtalaš gullat ná čielga jietnademiid, ja man čáffat Isaksen lea go dulko «Fancy» lávlaga. Son birge buoremusat buohkain, ja oažžu rámpot go lea vuosttaš gii nagoda koreografiija nu bures čuovvut, seammás go máhttá rappet nu ihána bures.

 

Ođđa šaŋŋer lávvordaga

Go buot artistat ledje leamaš lávddis, ledje golbma artista geain ii lean sihkkaris boahtteáigi Stjernekampenis. Ella Marie Hætta Isaksen ii lean okta dain, ja lea ain oaidnimis TV:s boahtte vahkku. Duopmáriid favorihtat ledje Ole Børud, Ella Marie Hætta Isaksen, Heine Totland jaUlrikke Brandstorp.
Samantha Gurah lávllui ges «Shoop» lávlaga Salt–N–Pepas, ja lei son gii šattai guođđit Stjernekamp lávlungilvvu.
Boahtte lávvordaga galget dat gávcci oasseváldi geat leat báhcán, lávlut soulmusihka.

På forsiden nå