«Sameblod» filbma lea boktán olbmuid ja gohčoduvvo «money shot» filbman. Preassagovva.

– «Sameblod» filbma lea dán jagáš buoremus Ruoŧa filbma

– Dat gohčoduvvo “money shot”, čállá Aftonbladet journalista Jan-Olov Andersson kronihkas.

17:05 Miessemánu 04. beaivi 2017
Ođastuvvon: 05.05.2017 - 09:24

Lea dáhpáhus filmmas mii dahká ahte geahččit jáhkket filbmii. Hollywoodas sáhttet dakkár filmmat máksit máŋggaid logiid milliuvnna ruvnno.

Ii soaitte vurdon ahte dán jagáš buoremus oassi buot filmmain lea «Sameblod» filmmas, čállá Aftonbladet journalista.

 

Bovttii gehččiid

– Mannan čavčča filbmafestiválas Venezias vuosttaščájálmasas vuhttui jo ahte lei okta oassi filmmas mii čuozai buohkaide. Miehtá máilmmi. Olles činu latnja jaskkodii go nálledutkit bohte govvet álás sámi skuvlamánáid ja mihtádallat sin oivviid, duođaštussan ahte sii eai leat seamma jierbmát go eará olbmot. Maŋŋel dan dáhpáhusa, de bovttii filbma min čuovvut Elle Márjjá historjjá, čállá Aftonbladet.

Badjelaš 150 000 olbmo leat geahččan «Sameblod» filmma, mii Aftonbladet mielas lea dán jagáš buoremus filbma Ruoŧas. 

På forsiden nå