Beaivváš Sámi Našunálateáhter searvá oktasaš skeŋkii gonagasbárrii. Govven: Risten Biret Elle Eira / Jørgen Gomnæs

Beaivváš skeŋke kulturvásáhusa gonagasbárrii

Gonagasbára 80 jagi beaivedoaluide leat máŋga kulturásahusa mearridan addit oktasaš skeaŋkka ja čájehit Oscarshállas máŋga čájálmasa gonagasbárrii.

13:48 Miessemánu 05. beaivi 2017

Miessemánus gitta čakčamánnui galget leat lagabui 40 teáhter-, musihkka- ja dánsunčájálmasa Oscarshállas Bygdøyas Oslos, gonagasbára 80-jagi ávvudeami oktavuođas, dieđiha gonagasviessu. 

 

Oktasaš skeaŋka

Gonagasviesu párkkas galget maid geasi miehtá leat iešguđetlágan musihkalaš oasážat, ja ovtta vahkkoloahpa dán čavčča čájehuvvojit sámi kulturvásáhusat.

Čájálmasat leat oktasaš skeaŋkan maid Den Norske Opera & Ballett, Det Norske Teatret, Riksteatret, Den Nationale Scene, Nationaltheatret, Beaivváš Sámi Našunálateáhter, Oslo Filharmoniske Orkester ja Bergen Filharmoniske Orkester geige gonagasbárrii.

 

Čájálmasat leat rahpasat olbmuide, ja miessemánu 11.beaivvi ožžot mediat oaidnit oasážiid. (©NTB)

Fáddásánit
Kultuvra

På forsiden nå