Govas bádde Eliet Lagercrantz go Movss-Niillas juoigá. Govven: E. Lagercrantz

Luohtečeahpit deaivvadit Várjjagis

Juoigit Øystein Nilsen, Mai Britt Utsi, Johan Andreas Andersen ja Espen Roska juiget Várjjat Sámi musea juoigankonseartas sámi álbmotbeaivvi ja 100 jagi ávvudeami doaluid oktavuođas.

 

 

08:53 Guovvamánu 03. beaivi 2017
Ođastuvvon: 03.02.2017 - 12:21

Sámi álbmotbeaivvi ja 100 jagi ávvudeami oktavuođas bovde Várjjat Sámi musea juoigan­eahkedii sotnabeaivvi, guovvamánu 5. beaivvi.
Musea ovdanbuktá Lagercrantz prošeavtta luđiid ja dan olbmá gii lea dan duohken, Movss-Niillas, dahje Nils Mosesen Nikke. Øystein Nilsen ovdanbuktá “Luohti Várjjagis” prošeavtta ja Mai Britt Utsi, Unjárggas eret, ovdanbuktá iežas doavttergráda, earret eará iešguđetlágan luđiiguin Várjjagis.

Eahket loahpahuvvo juoigankonsearttain. Konsertii servet juoigit Øystein Nilsen, Mai Britt Utsi, Johan Andreas Andersen, Espen Roska ja Unjárgga bajásšaddanguovddáža oahppit.

På forsiden nå