«Snoasaalmmái» almmuhan iežas maŋimuš girjji. Govven: Håkon Mosvold Larsen/NTB Scanpix

«Snoasa­albmá» eallima čoahkkái­geassu

Joralf Gjerstad lea almmuha ođđa girjji «Det livet gav meg» dahje maid eallin attii munnje.

09:08 Golggotmánu 26. beaivi 2016
Ođastuvvon: 26.10.2016 - 09:57

Joralf Gjerstad Norggas dovddus guvhllár, lea dál deavdán 90 jagi ja lea dán jagi, 2016, čállán girjji, dieđiha Trønder Avisa.

– Lea maŋimuš girji maid čálán. Danin háliidin čállit iežan vásáhusaid daid oaidnemeahttun fámuid birra, mat leat veahkehan mu dearvvasmahttit olbmuid, čállá Gjerstad.

 

Eallima čoahkkáigeassu

Ieš muitala girji lea su 90 jahkásaš eallima čoahkkáigeassu ja čállá bajásšaddama, bearraša ja náittosdili birra ja dan áiggi go oahpásmuvai iežas vuoiŋŋalašfamuide.

– Mu mielas lea riekta ahte mun dál mu eallima eahkedis, čálán iežan vásáhusaid birra ja de sáhttá juohkehaš ieš árvvoštallat mu attáldagaid, joatká son.

Joralf Gjerstad lohká vaikko son lea geardduhan maid ovdal lea dadjan, de lea muhtin áššit nu dehálaččat ahte daid ii heive guođđit.

Fáddásánit
Kultuvra

På forsiden nå