Árja ohcala sámi biebmokássafálaldaga. Vuorkágovva: Anne Rasmus

Váillahit sámi gründeriid buktigoahtit borramušaid uvssa ovdii

Árja váillaha sámi biebmokássafálaldaga.

11:28 Geassemánu 09. beaivi 2015

Ođđaáigge servodaga dilihisvuođas lea váttis ollet visot. Dát dávjá čuohcá biebmoráhkadeapmái, ja Árja jáhkká dán dáhpáhuvvat maiddái sámeservodagas.

 

– Jáhkká dása leat márkana

Dilihisvuođa geažil leat Norgga bealde ilbman eanet ahte eanet biebmokássafálaldaga, dakkárat mat mávssu ovddas buktet moddii vahkkus kássa dievva borramušaid ja biebmoráhkadanbagadusaid olbmuid ruovttuide.

Árjja Lars Oddmund Sandvik váillaha dákkár fálaldaga maiddái sámeborramušaide.

– Mun gal vissásit jáhkán leat márkana dákkár fálaldahkii, sihke sáme- ja dážaservodagas. Danne váillahan sámi gründeriid álggahit dákkára.

 

Buoridivččii biergojođu

Sandvik oaivvilda dáinna lágiin sáhttit viidásat fievrredit sámi biebmovieruid buriin kvalitehtain.

– Seammás lea stuorra bonus go dát dagahivččii ahte sámi biebmut vuvdojit eanet, ovdamearkka dihte dápmot ja bohccobiergu. Danne jurddašan maid ahte goas son mun beasan diŋgostit Aillu biebmokássa, leaikkastallá Lars Oddmund Sandvik ovdal go lasihastá:

– Dás dattege lea maid duođalaš vuođđu. Biđus ii galgga bázahallat tapasii.

 

 

Fáddásánit
Kultuvra

På forsiden nå