Kultuvra

Guovdageainnu mánát leat oahpásmuvvan sámi máidnasiidda teáhterprošeavtta bokte. Dál háliidit oahpahit máhtuset earáide ja danin bovdejit olbmuid «Máinnasbálgá» olgočájálmassii.

Kárášjoga jahkegirji 2017 almmuhuvvo bearjadaga.

Sámediggeráđđi lea juolludan ruđa ubmisámegiela sátnegirjái. – Ubmisámegiela sátnegirjjis lea stuorra mearkkašupmi ja das lea symbolaárvu buohkaide geat leat ollu jagiid bargan ubmisámegiela ja kultuvrra suodjalemiin ja ovdánahttimiin, dadjá sámediggepresideanta Aili Keskitalo.

Sámi dáiddár Synnøve Persen sámi leavgaevttohus 1970-logus bovttii nu stuorra stuimmi ahte Norgga vákšunpolitiija vákšugođii su. Dál čájeha Sámi Dáiddaguovddáš oasi sámi politihkalaš dáiddačájáhusas mii čájehuvvui Tråantes ávvuvahkkus 2017 guovvamánu.

Guovžajávrri nuoraidskuvlla ovccát luohká oahppit besset mielde válljet guđe girji vuoitá Uprisen 2018.

Olles vahkku lea Guovdageainnu gilišillju ávvudan jorbalogu.

Marit Kristine Hætta Sara, dahje Máret Ristiinna, lea almmuhan guokte luođi dán jagi, ja ovdal jahkemolsuma ilbmá olles su skearru, «Mun ja mu».

Prošeavtta vuosttaš eahket lei guovvamánus Tråante ávvuvahkus. Dál dat boahtá Sámi dáiddaguovddážii, Kárášjohkii.

Ovddit gaskavahkku almmuhuvvui buorre ođas go čieža fylkagirjerádjosa ožžo 348 000 ruvnno arenaovddideapmái. Muhtin girjerádjosat huksejit lávddiid doarjjaruđain.

Bearjadaga almmuha Guovda­geainnu artista, Inger Karoline Gaup, vuohččan juovlasiŋgela. Dán lávlaga son sávvá eanemus lági mielde olbmuid guldalit, go dáinna son áigu muittuhit olbmuide juoga dál juovllaid áigge.

Siiddut