Ovllá Per Sara. Govven: Inga Marie Guttorm

– Juhkan olmmoš oađđá skuovaiguin

Namma: Ovllá Per Sara

Ahki: 17

Guovlu: Kárášjohka

09:34 Borgemánu 03. beaivi 2017
Ođastuvvon: 04.08.2017 - 11:14

1. Guđe riikkas ráhkaduvvui vuolamearka Koff?

– Koff … Dat lea Suomas ráhkaduvvon. Riekta!

 

2. Galle spealli leat Austrália spábbačiekčanjoavkkus?

– Ii son leat 22? Boastut!

Rievttes vástádus: 18.

 

3. Gii lea čállán «Charlie ja šukkoládafabrihkka»?

– He-he … Mun in vuoigá dieđe ge! Boastut!

Rievttes vástádus: Roald Dahl.

 

Go Ovllá Per ii vástidan riekta buot golbma vuosttaš gažaldaga, de son ii mannan viidáseappot gilvvus. Muhto son beassá geahččalit vástidit ovtta árvádusa mainna sáhttá oažžut 5, 10 dahje 15 čuoggá, dan mielde makkár ivnni vállje. Rukses árvádusa lea váddáseamos, ja jus dan vástida riekta de oažžu 15 čuoggá. Alit árvádusain oažžu 10 čuoggá ja ruoná árvádusain ges 5 čuoggá.

Sara válljii alit ivnni ja de oaččuige dán árvádusa:

 

Gii oađđá álo skuovaiguin?

– Die lea fillengažaldat! Juhkan olmmoš oađđá skuovaiguin. Boastut!

Rievttes vástádus: Heasta.

 

 

Galle čuoggá oktiibuot: 1 čuokkis.

– Mu mielas ii mannan nu bures, čaibmá Sara.

Juohke gilvaleaddji beassá hástalit ođđa gilvaleaddji Ávvira geassegilvui ja Ovllá Per Sara hástala Lemet Niillas Anti searvat.

– Lemet Niillasa háliidan hástalit geassegilvui.

 

Njunnošis: Aili Kristine Eira 22 čuoggáin. 

Fáddásánit
Guoimmuheapmi

På forsiden nå