Aili Kathrine Wergeland Teigmo. Govven: Ørjan Nilsen

– Berrešin diehtit gii lávlu

Namma: Aili Kathrine Wergeland Teigmo

Ahki: 20

Guovlu: Kárášjohka

09:08 Borgemánu 02. beaivi 2017

ÁVVIRA GEASSEGILVU

Dán gilvvus lea mihttu čoaggit čuoggáid. 

 

Álgovuorus leat 3 gažaldaga, jus daid vástida riekta de manná viidáseappot. Juohke rievttes vástádusas oažžu 1 čuoggá. Jurddašanáigi: 20 sekundda.

 

De álget liigegažaldagat maid galgá vástidit 10 sekunddas. Liigegažaldagain oažžu 1 čuoggá. Gilvaleaddji manná viidáseappot nu guhká go vástida riekta liigegažaldagaid. 

 

Jus ii vástit áigemearrái, de manaha čuoggá.

 

Juohke gilvaleaddji beassá vel geahččalit vástidit ovtta árvádusa mainna sáhttá oažžut 5, 10 dahje 15 čuoggá, dan mielde makkár ivnni vállje; rukses, alit dahje ruoná. Rukses árvádus lea váddáseamos ja jus dan máhttá, de oažžu 15 čuoggá. Alit árvádusain oažžu 10 čuoggá ja ruoná árvádusain 5 čuoggá. Árvádusaid smiehttanáigi lea 1 minuhta.

 

Buohkat geat leat mielde Ávvira geassegilvvus ožžot Flax-vuorbbi. Dat gii nagoda čohkket eanemus čuoggáid vuoitá iPad-mini.

 

Juohke gilvaleaddji beassá hástalit ođđa gilvaleaddji Ávvira geassegilvui.

 

Ávvira bargit ja sin bearrašat eai sáhte searvat gilvui. 

 

Gilvoáigodat 01.07.17 - 05.08.17

1. Gos lea Loch Ness?

– Doppe gos Loch Ness monster lea … Amma lea Mátta-Norggas? Boastut!

Rievttes vástádus: Skottlánddas 

 

2. Man guovtti gili gaskka sihkkelasttát go searvvat Bingesrittet sihkkelgilvui?

– Bingesrittet? Hmm … Dat ferte leat Norggas. Troanddima ja Bergen. Boastut!

Rievttes vástádus: Mierona ja Máze 

 

3. Makkár joavku lávlu Unna Áilloža birra?

– Unna Áilloš? Sáhttá son leat Intrigue? Boastut!

Rievttes vástádus: Felgen Orkester

 

Go Aili Kathrine ii vástidan riekta buot golbma vuosttaš gažaldaga, de son ii mannan viidáseappot gilvvus. Muhto son beassá geahččalit vástidit ovtta árvádusa mainna sáhttá oažžut 5, 10 dahje 15 čuoggá, dan mielde makkár ivnni vállje. Rukses árvádusa lea váddáseamos, ja jus dan vástida riekta de oažžu 15 čuoggá. Alit árvádusain oažžu 10 čuoggá ja ruoná árvádusain ges 5 čuoggá.

Teigmo válljii rukses ivnni ja de oaččuige dán árvádusa:

 

Mun in eale, muhto stuorun. Mus eai leat geahppát, muhto dárbbašan áimmu. Mus ii leat njálbmi, ja čáhci jávkada mu. Mii lean mun?

– Dat lea dolla, go čáhci jávkada dan! Riekta!

 

 

Galle čuoggá oktiibuot: 15 čuoggá.

– Mun berrešin diehtit gii lávlu «Unna Áilloš» birra! Mu mielas livččen sáhttán buorebut vástidit. 

Juohke gilvaleaddji beassá hástalit ođđa gilvaleaddji Ávvira geassegilvui ja Aili Kathrine Teigmo hástala Per Tommy Veimæla searvat.

– Mun háliidan hástalit Per Tommy Veimæl searvat Ávvira geassegilvui.

 

Njunnošis: Aili Kristine Eira 22 čuoggáin

Fáddásánit
Guoimmuheapmi

På forsiden nå