– Son soaitá ánda­gassii addit

Namma: Ronald Pulk

Ahki: 37

Guovlu: Guovdageaidnu

10:58 Suoidnemánu 21. beaivi 2017
Ođastuvvon: 28.07.2017 - 14:16

1. Sámiid dološ oskkus ledje nissonipmiliin iešguđetlágan doaimmat. Mii lei Juoksáhkká doaibma?

ÁVVIRA GEASSEGILVU

Dán gilvvus lea mihttu čoaggit čuoggáid. 

 

Álgovuorus leat 3 gažaldaga, jus daid vástida riekta de manná viidáseappot. Juohke rievttes vástádusas oažžu 1 čuoggá. Jurddašanáigi: 20 sekundda.

 

De álget liigegažaldagat maid galgá vástidit 10 sekunddas. Liigegažaldagain oažžu 1 čuoggá. Gilvaleaddji manná viidáseappot nu guhká go vástida riekta liigegažaldagaid. 

 

Jus ii vástit áigemearrái, de manaha čuoggá.

 

Juohke gilvaleaddji beassá vel geahččalit vástidit ovtta árvádusa mainna sáhttá oažžut 5, 10 dahje 15 čuoggá, dan mielde makkár ivnni vállje; rukses, alit dahje ruoná. Rukses árvádus lea váddáseamos ja jus dan máhttá, de oažžu 15 čuoggá. Alit árvádusain oažžu 10 čuoggá ja ruoná árvádusain 5 čuoggá. Árvádusaid smiehttanáigi lea 1 minuhta.

 

Buohkat geat leat mielde Ávvira geassegilvvus ožžot Flax-vuorbbi. Dat gii nagoda čohkket eanemus čuoggáid vuoitá iPad-mini.

 

Juohke gilvaleaddji beassá hástalit ođđa gilvaleaddji Ávvira geassegilvui.

 

Ávvira bargit ja sin bearrašat eai sáhte searvat gilvui. 

 

Gilvoáigodat 01.07.17-05.08.2017

– Hmm… Sáráhkká várjala nieidamánáid. Dalle ferte Juoksáhkká leat son gii addá buori bivdolihku. Boastut!

Rievttes vástádus: Várjalit bárdnemánáid ja addit sidjiide bivdosearaid.

 

2. Mii lea erohus spáillihis ja hearggis?

– Heargi lea dábmojuvvon ja sáhttá vuodjit dainna. Spáillit lea fas dakkár mii ii leat dábmojuvvon. Riekta!

 

3. Gii lávlu «Tinderdate»?

– Die ferte leat ođđa lávlla mii ii leat vel radios gullon! Mun barggan sámeradios, ja galggašiin diehtit dien gažaldaga! Felgen Orkester lávlu sámegillii ja Aili Kathrine Teigmo ges eŋgelasgillii. Ferten beare dadjat Aili Teigmo. Boastut!

Rievttes vástádus: Kevin André Boine

 

 

Go Ronald ii vástidan riekta buot golbma vuosttaš gažaldaga, de son ii mannan viidáseappot gilvvus. Muhto son beassá geahččalit vástidit ovtta árvádusa mainna sáhttá oažžut 5, 10 dahje 15 čuoggá, dan mielde makkár ivnni vállje. Rukses árvádus lea váddáseamos, ja jus dan vástida riekta de oažžu 15 čuoggá. Alit árvádusain oažžu 10 čuoggá ja ruoná árvádusain ges 5 čuoggá.

Pulk válljii rukses ivnni ja de oaččuige dán árvádusa:

 

Golbma dievddu manne vuojadit. Go bohte eret čázis, ledje vuovttat njuoskan guovtti dievddus. Manne buohkain eai lean njuoskan vuovttat?

– Dat goalmmát ferte leat spálžžas go eai njuoskka vuovttat. Riekta!

 

 

Galle čuoggá oktiibuot: 16 čuoggá

– Heahpat go in diehtán gii lávlu «Tinderdate». Ferten bovdet Kevin André Boine studioi, son soaitá addit ándagassii. 

Juohke gilvaleaddji beassá hástalit ođđa gilvaleaddji Ávvira geassegilvui ja Ronald I. Pulk hástala Mikkel Aslak Hætta searvat.

 

– Mun háliidan hástalit iežan buori bivdoalbmá, Mikkel Aslak Hætta. 

 

Njunnošis: Aili Kristine Eira 22 čuoggáin.

På forsiden nå