Anne Henriette Hætta Reinås. Govven: Daniel Lynau

– Ovtta vuorus vai oktii­buot?

Namma: Anne Henriette Hætta Reinås

Ahki: 24

Guovlu: Skánik

20:55 Suoidnemánu 29. beaivi 2017

ávvira geassegilvu

Dán gilvvus lea mihttu čoaggit čuoggáid. 

 

Álgovuorus leat 3 gažaldaga, jus daid vástida riekta de manná viidáseappot. Juohke rievttes vástádusas oažžu 1 čuoggá. Jurddašanáigi: 20 sekundda.

 

De álget liigegažaldagat maid galgá vástidit 10 sekunddas. Liigegažaldagain oažžu 1 čuoggá. Gilvaleaddji manná viidáseappot nu guhká go vástida riekta liigegažaldagaid. 

 

Jus ii vástit áigemearrái, de manaha čuoggá.

 

Juohke gilvaleaddji beassá vel geahččalit vástidit ovtta árvádusa mainna sáhttá oažžut 5, 10 dahje 15 čuoggá, dan mielde makkár ivnni vállje; rukses, alit dahje ruoná. Rukses árvádus lea váddáseamos ja jus dan máhttá, de oažžu 15 čuoggá. Alit árvádusain oažžu 10 čuoggá ja ruoná árvádusain 5 čuoggá. Árvádusaid smiehttanáigi lea 1 minuhta.

 

Buohkat geat leat mielde Ávvira geassegilvvus ožžot Flax-vuorbbi. Dat gii nagoda čohkket eanemus čuoggáid vuoitá iPad-mini.

 

Juohke gilvaleaddji beassá hástalit ođđa gilvaleaddji Ávvira geassegilvui.

 

Ávvira bargit ja sin bearrašat eai sáhte searvat gilvui. 

1. Maid bargá Johannes Høsflot Klæbo?

– Klæbø lea čuoigi. Riekta!

 

2. Galle čuoggá sáhtát oktiibuot oažžut bowlingas?

– Lea go oktiibuot vai dušše ovtta vuorus? Hm … Mun dajan 300. Riekta!

 

3. Gean njunni guhkku go gielista?

– Pinocchio njunni. Riekta!

 

1. Liigegažaldat: Norgga goalmmát alimus várri lea 2405 m alu. Mii lea dan namma? 

– Dat lea diet várri Sogn ja Fjordanes. Skagastøltind dat lei namma. Riekta!

 

2. Liigegažaldat: Mat leat dan máilmmi guhtta kontineantta?

– Antarktisa, Amerihkká, Asia, Eurohpá ja Australia? Boastut!

Rievttes vástádus: Eurasia, Afrihkká, Davvi-Amerihkká, Lulli-Amerihkká, Antarktisa ja Australia.

 

Anne Henriette ii máhttán goalmmát liigegažaldaga. Son beassá liikká válljet árvádusaid maiguin sáhttá fasket 5,10, dahje 15 čuoggá. Dat lea dan duohken makkár ivnni vállje. Jus vástida riekta, de oažžu: Rukses árvádus lea váddáseamos ja das oažžu 15 čuoggá, alit árvádusas 10 čuoggá, ja ruonás fas 5 čuoggá.

Hætta Reinås vállje rukses ivnni, ja mii jearrat sus dán árvádusa:

 

Mun lean juoga mii ii leat mihkke. Muhtumin lean stuoris, muhtumin fas unni. Mun lean álo fárus, vaikko gos dal leaš. Mii lean mun?

– Dat gal ferte leat suoivvanas, go álo lea fárus. Riekta!

 

Galle čuoggá oktiibuot: 19 čuoggá.

– Doivon Eurohpá ja Eurasia lea seamma.

Juohke gilvaleaddji beassá hástalit ođđa gilvaleaddji Ávvira geassegilvui. Hætta Reinås hástala Sáráhkká Gaup searvat Ávvira geassegilvui.

– Hm … Mun hástalan Sáráhkká Gaup maid searvat geassegilvui.

 

Njunnošis Aili Kristine Eira 22 čuoggáin. 

Fáddásánit
Guoimmuheapmi

På forsiden nå