Nils Mikkelsen Sara. Priváhta govva

– Livččii sáhttán vástidit boastut

Namma: Nils Mikkelsen Sara

Ahki: 40

Guovlu: Máze

09:01 Suoidnemánu 27. beaivi 2017
Ođastuvvon: 28.07.2017 - 14:16

ávvira geassegilvu

Dán gilvvus lea mihttu čoaggit čuoggáid. 

 

Álgovuorus leat 3 gažaldaga, jus daid vástida riekta de manná viidáseappot. Juohke rievttes vástádusas oažžu 1 čuoggá. Jurddašanáigi: 20 sekundda.

 

De álget liigegažaldagat maid galgá vástidit 10 sekunddas. Liigegažaldagain oažžu 1 čuoggá. Gilvaleaddji manná viidáseappot nu guhká go vástida riekta liigegažaldagaid. 

 

Jus ii vástit áigemearrái, de manaha čuoggá.

 

Juohke gilvaleaddji beassá vel geahččalit vástidit ovtta árvádusa mainna sáhttá oažžut 5, 10 dahje 15 čuoggá, dan mielde makkár ivnni vállje; rukses, alit dahje ruoná. Rukses árvádus lea váddáseamos ja jus dan máhttá, de oažžu 15 čuoggá. Alit árvádusain oažžu 10 čuoggá ja ruoná árvádusain 5 čuoggá. Árvádusaid smiehttanáigi lea 1 minuhta.

 

Buohkat geat leat mielde Ávvira geassegilvvus ožžot Flax-vuorbbi. Dat gii nagoda čohkket eanemus čuoggáid vuoitá iPad-mini.

 

Juohke gilvaleaddji beassá hástalit ođđa gilvaleaddji Ávvira geassegilvui.

 

Ávvira bargit ja sin bearrašat eai sáhte searvat gilvui. 

 

Gilvoáigodat 01.07.17-05.08.2017

1. Gos lea Finn Hågen Krogh eret?

– Finn Hågen gal lea Álttás, dahje Fállejogas eret. Riekta!

 

2. Maid barggat Instagrammas?

– Doppe juohká govaid, sáhttá earáid govaid geahččat ja čuovvut Instagramma-geavaheaddjiid. Riekta!

 

3. Makkár loddi lea emu?

– Dat lea diekkár loddi mii ii máhte girdit. Riekta!

 

1. Liigegažaldat: Lea go vejolaš mátkkoštit togain Troandimis Fuskui?

– Hehe. Dan mun in duohta dieđe. Mun in jáhke dan lea vejolaš. Boastut!

Rievttes vástádus: Juo. 

 

Niillas ii máhttán vuosttaš liigegažaldaga. Son beassá liikká válljet árvádusaid maiguin sáhttá fasket 5,10, dahje 15 čuoggá. Dat lea dan duohken makkár ivnni vállje. Jus vástida riekta de oažžu: Rukses árvádus lea váddáseamos ja das oažžu 15 čuoggá, alit árvádusas 10 čuoggá, ja ruonás fas 5 čuoggá.

Sara vállje alit ivnni, ja mii jearrat sus dán árvádusa:

 

Jus okta snihkkár ádjána diimmu ráhkadit ovtta stuolu, man guhká de ádjánit logi snihkkára ráhkadit logi stuolu?

– Ferte diimmu dalle ádjánit. Diesa livččii sáhttán boastut vástidit, namalassii logi diimmu. Riekta!

 

Galle čuoggá oktiibuot: 13 čuoggá.

– Dát gilvu gal lei hui miellagiddevaš, suddu in máhttán vástidit liigegažaldaga.

Juohke gilvaleaddji beassá hástalit ođđa gilvaleaddji Ávvira geassegilvui. Sara háliida hástalit Mikkel Niillas A. Sara searvat Ávvira geassegilvui.

– Hástalan Mikkel Niillas A. Sara Sievjjus searvat gilvui. 

 

Njuonnošis Aili Kristine Eira 22 čuoggáin

Fáddásánit
Guoimmuheapmi

På forsiden nå