– Hávga sáhttá šaddat 40 cm

Namma: Dávvet Bruun-Solbakk

Ahki: 22

Guovlu: Deatnu

08:29 Suoidnemánu 13. beaivi 2017

1. Mii lea diddi?

– Dán lean mun oahpahan mánáide mánáidgárddis! Diddi lea unna luosaš. Riekta!

 

2. Galle miilla lea Sámi Ski race guhkimus čuoiganlahttu?

– Hm… Jurddašan dat sáhttá leat 60 kilomehtera, 6 miilla. Boastut!

Rievttes vástádus: 90 km. 

 

3. Man guhkki sáhttá hávga šaddat?

– Hávga? Dat sáhttá šaddat 40 cm. Boastut! 

Rievttes vástádus: 2 mehtera.

 

Go Bruun-Solbakk ii vástidan riekta buot golbma vuosttaš gažaldaga, de son ii mannan viidáseappot gilvvus. Son dattetge beassá geahččalit vástidit árvádusa mainna sáhttá fasket 5, 10 dahje 15 čuoggá. Dat lea dan duohken guđe ivnni vállje. Rukses árvádus lea váddáseamos, ja jus vástida riekta, de oažžu 15 čuoggá. Alit árvádusas faske 10 čuoggá ja ruonás 5 čuoggá.

Bruun-Solbakk vállje ruoná ivnni, ja mii jearrat sus dán árvádusa: 

 

Mas leat bánit, muhto ii goassege gáskkes?

– Dieđát go maid? Mun lean gullan dien ovdal. Hm, mun in dieđe! Boastut!

Rievttes vástádus: Sahá

 

Galle čuoggá oktiibuot: 1 čuokkis

Juohke gilvaleaddji beassá hástalit ođđa gilvaleaddji Ávvira geassegilvui. Bruun-Solbakk hástala Máret Guhttor searvat Ávvira geassegilvui.

På forsiden nå