Runar Myrnes Balto. Govven: Marie Louise Somby

– Dieđusge leat mánáid­mánát!

Namma: Runar S. Myrnes Balto

Ahki: 29

Guovlu: Lidáláddi

09:05 Suoidnemánu 28. beaivi 2017
Ođastuvvon: 28.07.2017 - 13:03

ÁVVIRA GEASSEGILVU

Dán gilvvus lea mihttu čoaggit čuoggáid. 

 

Álgovuorus leat 3 gažaldaga, jus daid vástida riekta de manná viidáseappot. Juohke rievttes vástádusas oažžu 1 čuoggá. Jurddašanáigi: 20 sekundda.

 

De álget liigegažaldagat maid galgá vástidit 10 sekunddas. Liigegažaldagain oažžu 1 čuoggá. Gilvaleaddji manná viidáseappot nu guhká go vástida riekta liigegažaldagaid. 

 

Jus ii vástit áigemearrái, de manaha čuoggá.

 

Juohke gilvaleaddji beassá vel geahččalit vástidit ovtta árvádusa mainna sáhttá oažžut 5, 10 dahje 15 čuoggá, dan mielde makkár ivnni vállje; rukses, alit dahje ruoná. Rukses árvádus lea váddáseamos ja jus dan máhttá, de oažžu 15 čuoggá. Alit árvádusain oažžu 10 čuoggá ja ruoná árvádusain 5 čuoggá. Árvádusaid smiehttanáigi lea 1 minuhta.

 

Buohkat geat leat mielde Ávvira geassegilvvus ožžot Flax-vuorbbi. Dat gii nagoda čohkket eanemus čuoggáid vuoitá iPad-mini.

 

Juohke gilvaleaddji beassá hástalit ođđa gilvaleaddji Ávvira geassegilvui.

 

Ávvira bargit ja sin bearrašat eai sáhte searvat gilvui. 

1. Mii lea Norgga ruvdnaprinssa Haakon Magnusa boarráseamos máná namma?

– Oi … He he! Prinseassa Ingrid Alexandra lea várra boarráseamos máná namma..? Riekta!

 

2. Mii lea Marit Bjørgena máná namma?

– Orun muitimin mána namma lea Marius. Riekta!

 

3. Makkár valáštallan lea Tour de France? 

– Tour de France lea sihkkelastin, dahje sihkkelgilvu. Riekta!

 

1. Liigegažaldat: Gii lávlu lávlaga Fathers Eyes mii ilmmái 2013:s?

– Fathers Eyes? Mun in leat gullan dien lávlaga. Mun ferte árvidit, ja dajan Maria Mena. Boastut!

Rievttes vástádus: Ask Embla.

 

Runar ii máhttán vuosttaš liigegažaldaga. Son beassá liikká válljet árvádusaid maiguin sáhttá fasket 5,10, dahje 15 čuoggá. Dat lea dan duohken makkár ivnni vállje. Jus vástida riekta de oažžu: Rukses árvádus lea váddáseamos ja das oažžu 15 čuoggá, alit árvádusas 10 čuoggá, ja ruonás fas 5 čuoggá.

Myrnes Balto vállje ruoná ivnni, ja mii jearrat sus dán árvádusa:

 

Maid fertejit du mánát addit dutnje, maid ieš it sáhte oažžut?

– Hm . Diet lea várra hui álki. Mun ferten vástidit «pass». Boastut!

Rievttes vástádus: Mánáidmánáid

 

Galle čuoggá oktiibuot: 3 čuoggá.

– Dieđusge leat mánáidmánát juoidá maid mu mánát fertejit munnje addit! Lei somá go Sandra hástalii, muhto šállošahtti go in nagodat vástidit riekta árvádusa.

Juohke gilvaleaddji beassá hástalit ođđa gilvaleaddji Ávvira geassegilvui. Myrnes Balto háliida hástalit Anne Henriette Hætta Reinås searvat Ávvira geassegilvui.

– Mus lea miella hástalit Anne Henriette Hætta Reinås searvat gilvui, go son lea maid bargamin Márkomeanus dán vahkkoloahpa. 

 

Njuonnošis Aili Kristine Eira 22 čuoggáin. 

Fáddásánit
Guoimmuheapmi

På forsiden nå