Guoimmuheapmi

Ávvira juovlakaleandar:

Kirste mearrida vuolgit ođđa olbmo guossis finadit, go juo heive nu bures ahte siessalis Ánne-Kirsttes leat loattat maid galggašii vuovdit.

Ávvira juovlakaleandar:

Lei ávki snuggat vearrolisttuid. Kirste lea gávdnan dieđuid maid maŋis lea. Gili ođđa olbmos lea roahkka dan mađe ahte oažžu oalle assádit njuvdit margariinna láibbe ala.

Ávvira juovlakalender:

Kirste lei gal rievtti mielde mearridan ahte ii áigon oktiige muitalit dán ášši birra maid dál áiggui iskat. Muhto, dál fertii goit ge dorvvastit ránnjááhkuide.

Ávvira juovlakalender:

Manne muhtimat leat boaresbárdnin ja muhtimat boaresnieidan báhcán? Dan gal Kirste ipmirda, maŋŋil go mannjái lei vivvasássa vuolgán guossái.

Ávvira juovlakalender:

Lásse lea muitalan dievdduid čakčakonferánsamátkis ságaid ja erenoamážit Elle lea ožžon dieđuid maid ii leat ovdal diehtán. Daid geažil gal beassá ádjáriehpu gillát ruovttus.

Ávvira juovlakalender:

Lásse, gii áitto lea fárren gillái, lea leamašan seamma politihkkárkonferánssas go Morten, Firkkal-Reaŋga ja ránnjááddjá, Elle isit. Dál de beassat gullat mo son vásihii politihkkáriid.

Ávvira juovlakalender:

Vaikko lea čakčabotta leamašan olu sáhka politihka birra gilis, de eai leat buohkat gal dan dihte nu bures čuvvon mielde gean dat sáhttá jienastit.

Ávvira juovlakalender:

Politihkka lea leamaš hui guovddážis ránnjážiid eallimis dán čavčča, dás gulat eambbo «Vilges dálu» birra.

Ávvira juovlakalender:

Kirste ferte muitalit mii geavai beaivvi maŋŋil go Morten lei vuolgán su dálus, suohkojulggiid báhtaran.

Ávvira juovlakalender:

Mii son dat lea geavvan? Gosa leaba Morten ja Firkkal-Reaŋga mannan? Vuosttaš jándoriid eai nissonat nu jierrásit váldán sunno jávkama, gal´at diet guovttos leaba muhtin moatte-jándor-guhko feastártuvrras ovdal leamašan. Muhto dál gal jierásnuvvagohtet nissonat.

Siiddut