Almmuhus

Almmuhus

Per Oskar Kjølaas

Deike sáhtát lasihit čállosiid mat heivejit dearvuohtan iešguđetge dáhpáhusaid oktavuođas, nu mo riegádanbeaivvedearvuođaid ja eará dearvuođaid. Mii gáibidat gustovaš e-poastačujuhusa iskandihte lea go autenttalaš čujuhus, ja mii lohkat čállosiid ovdal go almmuhat daid. 

Riegádanbeaivi

Per Oskar Kjølaas

Mii sávvat lihku doaimmalaš bismá emeritusii gii deavdá 70 jagi.

Son bajásšattai Girkonjárggas, fárrii Osloi ja álggii teologalaš searvegoddefakultehtii maŋŋel artiuma šaddat báhppan.

Maŋŋel teologalaš ámmáteksámena ja praktikuma: Suorttá kapellána (1975) ja Guovdageainnu suohkanbáhppa (1978).

Guovdageainnus áŋgiruššagohtet don sámi girkoeallimis ja kultuvrras. Geavahit sámegiela bálvalusas lei mávssolaš dutnje, ja don ohppet sámegiela. Buriin gielalaš gealbbuin ožžot don hui buori oktavuođa searvegottiin. Du garra áŋgiruššan ja ráhkisvuohta sámi gillii ja kultuvrii lea čuvvon du dan rájes.

De fárrejit fas 1986:s, Romsii, ja šaddet «bieđggus ássi sámiid bismáguovllukapellánan» Davvi-Hålogalánddas.

Dan lassin go addit girkolaš bálvalusaid sámiide geat ásset Davvi-Hålogalánddas, de šaddet don maid bismmá ja bismagodderáđi ráđđeaddin sámi girkoeallima áššiin. Doppe don maid servet bargui jorgalit Biibbala davvisámegillii.

Dat šattai ollesáigebargun, ja 1998:s almmuhuvvui Ođđa testameanta davvisámegillii, mas lei stuora mearkkašupmi sámi girkoeallimii.

Dál lea Boares testameanta fargga ollásit jorgaluvvon. Plána mielde galgá ođđa Biibbal almmuhuvvot 2019 čavčča.

Sis-Finnmárkku proavásgotti proavástin (1998) jotket don Biibbala sámegiel jorgalemiin. Das besset máŋga somás áššái searvat: Bargat sámi liturgiijain, sámegiel sálbmagirjjiin ja jorgalit olu sálmmaid sámegillii.

De ilmmai 2002. Don válljejuvvojit Davvi-Hålogalándda bismán. Bismán ledjet don gievrras, čielga ja áŋgiris jođiheaddji gii nákcejit oaidnit olbmuid ja guldalit sin.

Muhtun roasut maid leat leamaš: Homofiliija- ja báhtareaddjeášši, jus galgá namuhit moadde. Davvin han leat olu roasut! Muhtumin gal dieđusge šattai maid vuostebiegga.

Mii dovdat maid du buori replihkaid ja historjjáid – ja dan árvvosmahtti bohkosa dihte. 2014 borgemánus ollejit don ealáhahkii, hui servvodatberošteaddji, don váccašat mátkkiid njealjejuolggat Miain, ja gávnnat álo juoidá man fertet snihkkestit!
 

Mii doallat rabas viesu Romssa Bismagárddis lávvordaga miessemánu 26. beaivvi dii. 13 – 16.
 

Sávvat dutnje lihku beivviin!

Olav Øygard
Davvi-Hålogalándda bismagotti bismá