-Almmuhus-
GUOIMMUHEAPMIČáhce­olmmái galgá jurdda­šit ahte su eallin lea dego hilbes beana­ ráidu

Čáhce­olmmái galgá jurdda­šit ahte su eallin lea dego hilbes beana­ ráidu

-

-

FIERCA

21/3-19/4

Ohcal fal liigenávccaid, ja váldde atnui visot fámu mii dus lea.

Nu go muhtun diehtti oktii dajai: «Ii leat mii lea «geahččalit», daga dan, dahje divtte dan orrut».

Muhtun lea deaddilan boalu vai álggaha fas juoidá ođđasit. De fertet čuovvut mielde. Olu dáhpáhuvvá, muhto ii leat mihttu ollet gárvet nu olu go vejolaš, muhto oažžut visot balánsii ja harmoniijai.

Dat guoská sihke du ja máilmmi ollisvuhtii.

VUOKSÁ

20/4-21/5

Juo. Juo. Juo. Iskka čiekŋalis, ja daga dan mii lea ulbmillaš.

Dutnje ii buvtte ilu jus beasat beare álkit barggus ja oaččut álkes vuoittuid.

Dat mii dál mearkkaša maidege ii leat boađus, muhto miellaguoddu ja man ulbmillaš du bargu lea.

Muitte ahte sukseassa juoga mas masa dus ii leat beroštupmi, lea juoga man dihte orut dego vuoittáhallan.

Dat mii mearkkaša dutnje, lea ahte dat mii dus leat siskkáldasat, dat boahtá oidnosii iežat barggu bokte.

JUMEŽAT

21/5-21/6

Máilbmi dárbbaha du hutkáivuođa ja attáldagaid gávdnat čovdosiid. Leage gearggus bargat dan maid bargat fertet.

Ale bala váldimis beare olu barggu.

Jus geavahat iežat hutkáivuođa ja gávnnat ilu bargat juoidá ovttas earáiguin ja earáide, de gávnnat don olu návccaid.

Jus vikkat beasadit eret, de šaddá beali lossadeabbon ja de lea maid beali eanet bargu.

REABBÁ

22/6-22/7

Jurdil dárkilit maid don dagat ja maid don dajat.

Don sáhtát viggat bidjat persovnnalaš áššiid ovdalii dan mii earáide lea ávkin, ja mas lea stuora mearkkašupmi.

Son gii oažžu juoidá, ii šatta nu ilolažžan go oaidná ahte earát eai oaččo maide. Dat mii lea buoremus searvevuhtii, lea buoremus dutnje, dán vahkku.

Nu álki dat lea juste dál. Leage das searvevuođa ovddas. Dat lea buoremus dutnje.

LEDJON

23/7-22/8

Oza návccaid čiekŋalasas, ja daga dan man birra don humat.

Jus dus lea beare coages fasáda, de bieđgana dat álkit.

Dat mii dán vahkku mearkkaša olu, lea liikot dasa maid barggat.

Jus áiggut gáhkket, muitalit duohtavuođa muhtumii, lohkat girjji dahje vuodjit biillain, de daga dan ráhkisvuođain.

Ráhkis biilla, luotta ja buohkaid geaiguin don deaivvadat, buohkaid geat leat dahkan dan vejolažžan dutnje. De lea dus maid buorre dilli.

BUHTISNIEIDA

23/8-22/9

Čájet maid don jurddahat ja dovddat. daja duohtavuođa čielgasit ja njuolggut. Daja dan nu čáppa sániiguin go vejolaš.

Utnohisvuohta ii doaimma. Árvvasvuohta, smáđáhkesvuohta ja gierdavašvuohta leat vuogas doahpagat dutnje dál. Ale vikka cuvket buot. Lasit baicca dan mii váilu vai juoga galgá vel eanet buorránit.

Dehálepmosat eai leat sánit, muhto dat maid dat sisdollet, nu go buorit diŋggat ja čáppa niegut.

VIEHKAT

23/9-22/10

Huma dan birra mii dutnje mearkkaša olu.

Huma áinnas hearvás sániiguin go dan lea vejolaš. Ale bala váldimis saji ustibiid searvvis ja sosiála čoagganemiin.

Divtte ilu ja gamuid láidet iežat. Čájet mii du váimmu lagamusas lea, ja huma dan birra mas lea mearkkašupmi.

Váldde vuostá buot vejolašvuođaid mat ilbmet. Dat gusto sihke olmmáivuhtii ja ráhkisvuhtii.

SKORPIUVDNA

23/10-21/11

Dál lea áigi dahkat juoidá. Dál manná dat vel čiekŋalebbui ja nanosmuvvá.

Gos dáhttu lea, doppe lea maid čoavddus.

Gos niegut leat, doppe leat maid dáhttu. Váldde nieguid vuhtii, ja geavat dáhtu juoidá daiguin dahkat.

Don dieđát makkár návccat dus leat, go duođas dárbbahat daid. Jurddaš ahte das mahkáš lea heakkas sáhka.

De lea buoremus ahte dat maid don dagat iešokto, maiddái lea ávkin ja illun earáide.

BÁHČČI

22/11-21/12

Mađi eanet áŋgirvuođa, ilu ja buorrevuođa don nákcet čájehit, dađi suohttasit ja buoret lea dutnje.

Leage árvvas iežainat ja dainna maid sáhtát addit.

Ale vikka gáđašvuođa stivret. Lihkolaš lea son geas juoga addit lea.

Vel eanet lihku buktá dat go earát árvvus atnet dan maid sii ožžot.

Rámit iežat lihkolažžan, ja jurddat ahte don leat lihkolaš olmmoš geas vallji lea. De sáhtát suohtastallat máilmmi buoremus oamedovdduin.

BÁKTEBOHKKÁ

22/12-19/1

Geavat eanet áiggi alccet ja iežat siskkáldas máilbmái.

Doppe leat olu skeaŋkkat. Jus dus lea dárbu, de fertet láhčit nohkka áiggi alccet.

Ane árvvus dan mii dus lea, ja leage giitevaš eallima ovddas.

Dat lea dego lávket maŋos, vai oainnát buot fiinna diŋggaid mat du eallimis leat.

De lea álkit árvvus atnit dan, ja don muitát de diŋggaid maid dihte leat vajálduhttán illudit.

ČÁHCEOLMMÁI

Dál fertet doallat fokusa ja čuovvut mielde.

Vuorddekeahtes diŋggat ja dáhpáhusat sáhttet fáhkkestaga ilbmat.

Jus beare olu vikkat oktanis doaimmahit, de šaddá dušše moivi. Jus vikkat seastit fámuid, de šaddá vel eanet riedja.

Jurddaš mat ahte du eallin lea dego hilbadis beanaráidu. Du bargu lea oažžut beatnagiid ovttasbargat, vai gesset ovtta guvlui.

GUOLIT

19/2-20/3

Leage rabas ođđa vejolašvuođaide, ja hága eanet návccaid.

Fertet viiddidit iežat fieskki. Jus oaččut fálaldaga ođđa ja earálágan doaimmas, de váldde vuostá nu buriin mielain go sáhtát.

Jus it oaččo dakkár vejolašvuođaid, de sáhtát ieš daid ráhkadit.

Bija sániid dasa maid don háliidat, ja movt don háliidat.

De galggat váldit vuostá buot vejolašvuođaid. Maŋemus lávki lea ollašuhttit dan.

Horoskopa ráhkadan: Atle Skretting, astrologa, NTB

-Almmuhus-