Ávvir ohcá journalistta

Ávvir ohcá journalistta

Mii ohcat áŋgiris ja servvodatberošteaddji olbmo geas lea hállu bargat journalistan ođasdoaimmahusas gos beasat bargat buot áššesurggiin.

Mii ohcat du  geas lea earenoamáš beroštupmi ja gelbbolašvuohta bargat neahttaáššiiguin.  
Don máhtát ja háliidat geahččaladdat mo iešguđetlágán sisdoalu buoremusat heiveha nehttii, báhpirii dahje sosiála mediaide.
Lea stuora ovdamunni jus dus lea Vj-máhttu.

Journalistan fertet hálddašit jođánit  ja iešheanalaččat bargat, muhto maiddái čiekŋudit áššiide ja ovttasbargat earáiguin.

Dán barggus fertet rehkenastit veaháš mátkkoštit barggu oktavuođas ja maiddái bargat muhtun eahkediid/vahkko­loahpaid.

Mii deattuhit persovnnalaš attáldagaid ja heivema virgái, ja sáhttit fállat oahpaheami ohcciide geain ii leat journalistaoahppu dahje journalistaduogáš.

Ohcci ferte hálddašit sámegiela njálmmálaččat ja čálalaččat.

Virgi lea bissovaš virgi.

Bálká, eará eavttut ja álgin soahpamuša mielde.

Bargis ferte leat biila ja biilavuodjinkoarta.

Bargobáiki: Kárášjohka dahje Guovdageaidnu. Eará bargobáiki sáhttá šihttojuvvot.

Eanet dieđuid virggiid birra oaččut váldodoaimmaheaddjis Kari Lisbeth Hermansenis, tlf. 478 26 320, kari@avvir.no
dahje neahttadoaimmaheaddjis Berit Marie Lise Eiras,
tlf. 932 92 115, lise@avvir.no

Ohcama oktan duođaštusaiguin sáddet: kari@avvir.no

Ohcanáigemearri: 31.01.18

 

Ohcanáigemearri
31.01.2018